Hvernig gátu fjársvikin í TR staðið í fjögur ár?

Það er eiginlega sláandi að það hafi getað gengið í fjögur ár að þjónustufulltrúi Tryggingastofnunar hafi svikið út 75 milljónir frá TR og lagt inn á reikninga tuttugu einstaklinga. Komið hefur verið upp um svikamylluna í málinu og greinilegt að innra eftirlit TR var algjörlega í molum og þetta gat gengið mjög lengi, án þess að nokkur velti fyrir sér hvernig hægt var að útbúa 781 tilhæfulausar kvittanir fyrir útborgunum.

Það er ekki langt síðan að starfsmaður Símans sveik miklar fjárhæðir út úr fyrirtækinu, á meðan að það var í ríkiseigu og endaði með því að Síminn eignaðist Skjá einn, enda hafði verið dælt peningum úr Símanum í fyrirtækið. Nú er greinilegt að innra kerfi TR var í molum og hægt að notfæra sér brotalamir í því. Það er því ekki nema von að velt sé fyrir sér hvort svona svikamylla hafi verið í öðrum ríkisfyrirtækjum.

Það er eitt að þetta gerist í skamman tíma og komist upp, en eftir fjögurra ára blekkingarleik er um víðtækan þjófnað að ræða. Það má alltaf eiga von á að glufur séu til staðar hjá fyrirtækjum sem óprúttinn aðili getur misnotað, en það hlýtur að vera ansi sofandi stofnun sem getur orðið svo langvinnrar og víðtækrar svikamyllu og raun ber vitni í þessu máli.

Fjársvikamál þingfest 14. mars

Athugasemdir

[Sigurður Jónsson (IP-tala skráð) 3.3.2008 kl. 15:16]

Já, satt segir þú, það er fáránlegt að svona geti farið fyrir sameiginlegum peningum okkar.   Þetta segir okkur að TR er með allt niðrum sig í upplýsingatæknimálum.   Sambærilegar stofnanir erlendis, nota regluvélar og gagnanámstækni (e. data mining) til að greina svona svindl með sjálfvirkum hætti (e. automatic fraud detection).   Vonandi að TR læri af þessu og birgi brunninn áður en fleiri börn detta ofan í hann.

[Nanna Katrín Kristjánsdóttir, 3.3.2008 kl. 15:28]

Algjörlega siðlaust.

[haraldurhar, 3.3.2008 kl. 19:04]

    Eftir höfðinu dansa limirnir.    Hvet alla til að lesa um sölu  Árna     á flóabátnum  Baldri.

[Stefán Friðrik Stefánsson, 3.3.2008 kl. 19:37]

Já þetta er alveg afleitt, Sigurður og Nanna. Vonandi verður tekið á svona brotalömum í kerfinu.

Haraldur: Ertu að líkja þessu saman? Eigum við ekki bara að fordæma þessi fjársvik og láta vera að blanda öðru saman við það. Svona verknað á að fordóma skilyrðislaust.

mbk.

[haraldurhar, 3.3.2008 kl. 20:29]

   Stefán já ég er að líkja þessu saman, þar sem farið er út fyrir allt velsæmi í meðferð á allmannafé.  Eg er ekki að réttlæta gjörðir starfsmanna TR. og hef á þeim sömu skoðanir og þu lýsir.   Nú í svipinn mann ég eftir 4 gjörðum Árna er ég tel í besta falli vera siðlausar og þær eru 1.   Sala á eignum (ráðstöfun) á Vellinum. 2. Skipun hérðasdómara. 3. Salan á Flóabátnum Baldri. 4. Frestur til handa kaupenda Símans á endursölu til allmennings á hlutabréfum í Símanum.   Mig undar að hann skuli ekki hafa verinn láta segja af sér ráðherradómi.

[Bidda (IP-tala skráð) 3.3.2008 kl. 22:35]

Af hverju má ekki líkja þessum tveimur málum saman? Er ekki full ástæða til að skoða svona mál? Það er eitthvað mjög einkennilegt við þessa sölu á Baldri hvort sem þetta eru afglöp embættismanns sem gætir ekki þess sem honum er trúað fyrir eða kunningjagreiði. Skrýtið að þetta Baldursmál skuli ekki fá meiri umfjöllun.

[Stefán Friðrik Stefánsson, 3.3.2008 kl. 23:35]

Það er ekki meining mín að það eigi að gleyma þessu máli. Ef það er pottur brotinn hlýtur Ríkisendurskoðun að taka á því. Hef enga trú á öðru. Það ræðst auðvitað bara hvernig farið verður með það. Hvað varðar dómaramálið og Völlinn eru þau mál ekki búin. Hið fyrra er umboðsmaður að fjalla um nú og Ríkisendurskoðun hið seinna.

mbk.