Glæsilegt hjá MA!

Vil óska Örnu, Konna og Svölu innilega til hamingju með sigurinn í Gettu betur áðan og koma með því MA í úrslit í Gettu betur. Keppnin var æsispennandi og réðst ekki fyrr en í lokahlutanum. Leist þó ekkert á þegar að MH tók forystuna framan af en þeim tókst að vinna það upp með glans.

Þetta er í þriðja skiptið á síðustu fjórum árum sem Menntaskólinn á Akureyri er í úrslitakeppninni í Gettu betur. Skólinn vann keppnina árið 2006 og sigraði þá Verzló en tapaði fyrir Borgarholtsskóla árið 2005. Það ræðst svo á morgun hvort skólinn mætir MR, meisturum síðasta árs, eða Borgarholtsskóla.

Keppnin átti sínar hápunkta. Verð að viðurkenna að mér leist ekkert á blikuna þegar að MA flaskaði á spurningunni um Ronald Reagan og skaut á Bill Clinton, vitandi að viðkomandi fæddist í febrúar árið 1911. En þetta hafðist þrátt fyrir þá vandræðalegu villu.

En já; flott hjá MA! Þetta verður fjör í næstu viku.

Menntaskólinn á Akureyri kominn í úrslit

Athugasemdir

[Konráð Guðjónsson, 6.3.2008 kl. 23:10]

Þakka þér kærlega fyrir Stefán!

Vissulega skelfilegt klúður. En svona gerist þegar manni tekst að lesa 194.. hjá liðsfélaga sínum, í staðinn fyrir 1911:)

[Gestur (IP-tala skráð) 6.3.2008 kl. 23:42]

Já, þetta er svo sannarlega glæsilegur árangur hjá þeim að taka þetta svona. Gamla MA hjartað slær ört hjá manni núna

[Stefán Friðrik Stefánsson, 7.3.2008 kl. 11:09]

Takk fyrir kommentin.

Konni: Vonandi takið þið þetta svo í næstu viku :) Skiljanlegt að gera smávillur í hita leiksins og hafirðu talið ártalið 1941 er þetta skiljanlegt. Aðalatriðið var að þið tókuð sigurinn. Vonandi náið þið svo hljóðnemanum aftur heim. ;)

Jamm þetta var flott Gestur.

mbk.