Hver tekur Paul Watson alvarlega?

Enn einu sinni reynir Paul Watson að koma sér í fjölmiðlana með fullyrðingar um að hvalveiðimenn reyni að drepa sig og koma málstað sínum fyrir kattarnef. Það er löngu þekkt að Watson er umdeildur. Verklag hans hefur verið þannig að þar fer enginn aufúsugestur víða um heim.

Watson var handtekinn við komuna hingað til lands fyrir tveim áratugum, en samtök hans, Sea Shepard, sökktu tveimur hvalveiðibátum við Ægisgarð í nóvember 1986. Var honum í kjölfarið vísað úr landi og á yfir höfði sér ákærur vegna þess að hafa sökkt bátunum komi hann hingað aftur.

Það er varla við því að búast að við hér á Íslandi séum að spá í velferð Paul Watson og blaðrið í honum. Hver tekur hann annars alvarlega?

Varð Paul Watson fyrir skoti?

Athugasemdir

[Júlíus Valsson, 8.3.2008 kl. 16:45]

Ekki trúi ég orði af því sem þessi maður segir. Bandaríkjamenn myndu líklega flokka hann sem hryðjuverkamann, hvað með Íslendinga?

[Óskar Arnórsson, 8.3.2008 kl. 17:22]

það var synd að sleppa honum fyrir þetta. Íslenskur "friðarsinni" hefði farið beint á Hraunið fyrir sama hlut. Mér finnst merkilegt  þessi  dæmalausa hræðsla Íslendinga við álit annara þjóða í  hvalveiðimálum.  Ég hélt að flestir fullorðnir þroskuðust úr svona hræðslu hvað "nágranninn" heldur um mann..trúi ekki og vil ekki trúa því að nokkur Íslendingur taki þennan mann alvarlega...hvað var hann að gera annars í skotheldu vesti?  Gamall "sálfræðipóker" og vonandi kemst hann ekki upp með þennan "barnaskap" sinn...nú, hafi verið skotið á hann , þá það...

[Fannar frá Rifi, 8.3.2008 kl. 21:32]

Við eigum flokka hann sem hryðjuverkamann, láta interpool lýsa eftirhonum á samahátt og sú stofnun lýsir og leitar að öðrum hryðjuverkamönnum.

Einnig að allar eignir Sea Shepard og Watsons verði frystar og fjárveitingar til þeirra verði gerðar glæpsamlegar.  

Við höfum aðferðir til þess, önnur ríki hafa verið óhrædd við þetta þegar þau lýsa eftir hryðjuverkamönnum. með lögum sem hafa verið sett bæði í evrópu og í ameríku, sem og annarstaðar í heiminum, þá er í dag mjög auðvelt að flokka fólk sem hryðjuverkamenn ef það hefur framið hryðjuverk. Aðgerðir Sea Shepard í Reykjavíkur flokkast svo sannarlega sem hryðjuverk.