Ný og spennandi tækifæri á Miðnesheiði

Einu og hálfu ári eftir að bandaríski herinn yfirgaf herstöðina á Miðnesheiði hefur samfélagið þar öðlast nýtt hlutverk. Þar sem áður voru vistarverur bandarískra hermanna í Íslandsdvöl eru nú stúdentaíbúðir námsmanna hjá Keili og á höfuðborgarsvæðinu sem keyra til náms í borgina. Á einhverjum tímapunkti hefði þetta þótt saga til næsta bæjar en það er svo sannarlega áhugavert að sjá þessa umbreytingu á svæðinu á Miðnesheiði sem orðið hefur. Það er ánægjulegt að fylgjast með þeim krafti sem hefur einkennt uppbygginguna á svæðinu að undanförnu, þar sem horft er til nýrra verkefna. Og svæðið hefur öðlast nýtt líf.

Ég fór sumarið 2006 á herstöðvarsvæðið. Þetta var nokkrum mánuðum áður en síðustu hermennirnir fóru. Var þetta í eina skiptið sem ég kom þangað. Fannst mér vissulega leitt að koma svo seint til að sjá svæðið, en þá minnti íbúðahverfið einna helst á draugabæ. Sárafáir voru á ferð þar um og húsin voru að mestu yfirgefin og mannlaus. Þetta var ógleymanleg sjón og skemmtileg heimsókn að mjög mörgu leyti. Það sem kom mér mest á óvart við að fara þarna var að sjá hversu umfangsmikið svæðið var í raun og veru. Þarna blöstu tækifærin við er kom að breyttum aðstæðum og þau tækifæri voru svo sannarlega nýtt.

Hef ég heyrt um fólk, og þekki suma þeirra líka, sem stundar nám í Reykjavík sem hefur ákveðið að búa á þessu svæði. Það hlýtur að vera sérstök tilfinning að búa þarna. Þetta er skemmtilegt tækifæri og eðlilegt að ungt fólk sækist eftir því að vera þarna. Þeir hjá Keili hafa byggt menntastofnun þar upp á skömmum tíma og tækifærin blómstra.

Vona að þeir sem hafa flutt í samfélagið á Miðnesheiði líði vel þar og fagna því að þetta svæði hafi fengið nýtt hlutverk.

Draugabær að blómlegu þorpi

Athugasemdir

[Anna Benkovic Mikaelsdóttir, 13.3.2008 kl. 02:13]

Ég er hundleið á höfuðborgarsvæðinu, og hef verið síðan ég kom heim frá DK (6 ár ) og Hollandi(2 ár) árið 2004! Veit eiginlega ekki hvers vegna, nema ða allir á höfuðborgarsvæði Íslands hugsa bara um sig og landið (Ísland) skiptir engu (ólikt því sem var þegar ég flutti til DK 1996)?

Eða er  það að höfuðborgarbúar eru orðnir svo stressaðir á því að vera "metropolitan"? ...ég veit það ekki, en ég man að allt var afslappaðra 1996 og nú vil ég flytja út á land, íu þeirri von að landsbúar elski enn Ísland? 

[Guðrún Emilía Guðnadóttir, 13.3.2008 kl. 08:23]

Stefán Friðrik ertu að tala um Miðnesheiði þar sem radarstöðin var hjá hernum? Ef svo er þá eru það góðar fréttir að það séu komnar íbúðir fyrir námsmenn.
Annars eru þar óttalegir skúrar.
Menntastofnunin Keilir er ekki á Miðnesheiði, Keilir er á hersvæðinu gamla
sem kallaðist völlurinn, er það svæði að öllu leiti í eigu, "að ég held"
Keflavíkur og Sandgerðis.
Ég spyr nú bara að því að það hefur farið fram hjá mér að þeir væru búnir að útbúa Rock Will, sem stúdentagarða.
                                 Kveðjur Milla.

[Gísli Baldvinsson (IP-tala skráð) 13.3.2008 kl. 09:12]

Afhverju er þá þessi djöfulgangur í Árna Sigfússyni Johnsen? Mátti ég ekki nota orðið djöfulgangur? Flýtir þá.