Hasar í Reykjanesbæ - sérsveitin á salernið

Það er ekki nema von að margar spurningar vakni um hvað hafi gengið á í heimahúsi í Reykjanesbæ sem leiddi til þess að maður lokar sig inni á salerni með haglabyssu og það þurfi að yfirbuga hann í kjölfarið. Þetta er eitt þessara mála sem eiga sér sína forsögu en fer svo í fjölmiðla og hver og einn veltir fyrir sér hvað hafi gerst.

Þetta atvik minnir mjög vel á það, hversu brýnt er að lögreglan sé undir það búin að takast á við verkefni af ýmsu tagi, stór sem smá. Fyrir nokkrum árum þótti ekki öllum sem sitja á Alþingi mikilvægt að breyta skipulagi á yfirstjórn sérsveitar lögreglunnar til að sveitin væri ávallt til taks og sveigjanlegri en áður hefði verið. Því síður virtist skilningur á því hjá fjölda fólks þá að nauðsynlegt væri að efla sérsveitina og fjölga í henni.

Þessi staða sýnir vel hversu rétta stefnu sérsveitin hefur tekið og að hún sé vel búin fyrir ástand sem getur komið úr óvæntustu átt, rétt eins og þessi heimiliskrísa á Suðurnesjum.

Lokaði sig inni með haglabyssu

Athugasemdir

[Ásgrímur Hartmannsson, 14.3.2008 kl. 00:23]

Einn maður innilokaður á salerninu með haglara?  Ekki svo viss um að það þurfi 20 þungvopnaða menn til að díla við það.  Ég hugsa sá hafi aðallega verið hættulegur sjálfum sér.  Ég hef Bakkus einnig grunaðan um að hafa verið viðriðinn þetta mál einhvernvegin.