Gleðidagur - Vaðlaheiðargöng á dagskrá

Það eru gleðileg tímamót að Vaðlaheiðargöng hafi loks verið sett á dagskrá og framkvæmdir hafi verið tímasettar og muni hefjast á næsta ári. Þetta er sannkallaður gleðidagur fyrir okkur öll hér fyrir norðan sem höfum kallað eftir betri samgöngukosti og að losna við veginn um Víkurskarðið.

Með þessu er tryggt að byggðir báðu megin við Vaðlaheiðina verði eitt atvinnusvæði og ein lykilstoð álvers við Bakka verði að veruleika, en bættar samgöngur milli svæða voru klárlega lykilatriði í þeim efnum. Það eru vissulega tíðindi að innheimta eigi vegtolla og fer ekki saman við það sem Samfylkingin talaði um hér síðasta vor, en þar var talað fyrir að ríkið kostaði Vaðlaheiðargöng, eins og við munum flest öll hér.

En hvað um það, öll gleðjumst við í dag. Þetta eru mikil og góð tímamót. Ég vil hrósa Kristjáni L. Möller, samgönguráðherra, fyrir gott verk. Hann hefur staðið sig í þeim efnum við að tryggja þessi göng og við hér öll þökkum þingmanni okkar gott verk að sjálfsögðu.

11 milljarðar í framkvæmdir

Athugasemdir

[Ágúst (IP-tala skráð) 13.3.2008 kl. 23:35]

Skv fréttum mbl.is ber fremur að þakka Þorskinum en KLM fyrir að þessi ákvörðun þessi liggur nú fyrir.

Það að þessum ákveðið er nú að ráðast í þessar framkvæmdir nú  er liður í mótvægisaðgerðum hins opinbera vegna minni Þorskveiða. 

[Stefán Friðrik Stefánsson, 13.3.2008 kl. 23:40]

Vissulega skiptir það máli Ágúst. Það skiptir líka máli að ráðherrann kemur úr kjördæminu. Auk þess lét hann svo mörg orð falla í kosningabaráttunni í fyrra um göngin og mikilvægi þeirra, og hann ætlaði að tryggja þau hefði hann einhver áhrif, að hann varð að vinna að því í þeirri óskastöðu að vera samgönguráðherra. Eftir stendur þó að Samfylkingarráðherrann ætlar ekki að beita sér fyrir ríkisgöngum eins og hann talaði um í fyrra í kosningabaráttunni. Aðalatriði er að fá þessi göng, þau skipta okkur hér mjög miklu máli.

mbk.

[Bumba, 13.3.2008 kl. 23:45]

Frændi ég óska okkur báðum og öllum norðlendingum til hamingju með þessar fréttir.  Með beztu kveðju.

[Ágúst (IP-tala skráð) 13.3.2008 kl. 23:50]

Alveg rétt Stefán,  en öll munum við  slagorð Samfylkingarinnar  í kosningabaráttunni á liðnu vori:

VAÐLAHEIÐARGÖNG  STRAX - HÖFNUM GJALDTÖKU

[Haraldur Haraldsson, 13.3.2008 kl. 23:56]

já til hamingju með þetta,en samt finnst mér annað hefði átt að hafa forgang/Halli gamli

[Stefán Friðrik Stefánsson, 13.3.2008 kl. 23:58]

Mikið rétt Ágúst. hehe. Líttu á tengilinn í bloggfærslunni og lestu það sem þar stendur. Ágætt að rifja upp bloggfærslur samfylkingarmanna hér vegna loforðaflaumsins fyrir ári um ríkisgöng.

mbk.

[Bjarni Kjartansson, 14.3.2008 kl. 11:15]

Til hvers er þetta þá á Vegaáætlun, ef þetta á ekki að KOSTA RÍKIÐ neitt??

 *ÞAð verður feitur rekningur sem kemur fyrir þessu.

ÞAð er núna ljóst, að þeir þingmenn sem við höfum hér fyrir sunnan eru liðleskjur og algerir veifaskjattar í höndum Kristjáns bæjó og Möllersisns.

Kjaftshögg í andlit allra skynsamra manna.  Hvar eru aurarnis sem áttu að fara í Vestfjarðargöngin sem tengja áttu S og N svæðið??

Eru þeir í flugvellinum ykkar eða í björgunarvestinu, sem er um Menningarhúsið, sem er auðvitað greitt af sameiginlegum sjóðum en Menningarhúsið á hafnarbakkanum hér EKKI.

Þið eru ð og verðið á framfæri annarra landsmanna.

Legg til, að landinu verði skipt upp í Ömt, líkt og áður var en ganga eftir því ða kosnaður og innkoma verði innan amtana en ekki niðurgreiðslur út um allar þorpagrundir. AUðlindir hvers amts þeirra eign og svo framvegis.

Þetta er gengið OF langt.

Íhaldið