Sterk skilaboð bílstjóra - umdeild mótmæli

Það er greinilegt að skiptar skoðanir eru um mótmæli atvinnubílstjóra, þó að flestir séu í raun sammála skoðunum þeirra á eldsneytisverðinu. Sterk skilaboð voru send af þeirra hálfu með þessum mótmælum og sérstaklega verður áhugavert að sjá hvort að það verði daglegt verkefni hjá þeim á næstunni að mótmæla á aðalsamgönguæðum borgarinnar.

Það má alveg deila um hvort rétt hafi verið að mótmæla án þess að tilkynna það fyrirfram og að því leyti eru ummæli slökkviliðsstjórans í borginni skiljanleg og eiga alveg rétt á sér. Það er alvarlegt mál þegar að aðalsamgönguæðar eru lokaðar af fyrir slökkviliði og sjúkraflutningsfólki sem þurfa að eiga greiða leið, enda aldrei að vita hvenær að þörf sé á því að komast um lokaðan veginn í slíkum mótmælum.

Mér fannst skilaboðin sem atvinnubílstjórar sendu út mjög sterk og afgerandi. Það er svo annað mál hvort að svo afgerandi mótmæli verði umdeild og jafnvel kalli á að málstaðurinn fái ekki samúð almennings. Það var greinilegt að sumir sem voru á eftir bílstjórunum sem mótmæltu voru ekki sátt við þessi mótmæli vegna þess að það sjálft var í bið eftir að komast sinnar leiðar.

Mótmæli með einum eða öðrum hætti geta komið skilaboðum vissra hópa í samfélaginu á framfæri. Þess eru líka dæmi að mótmæli skaði málstaðinn. Þetta er mál sem flestir eru sammála um. Í dag voru þetta fyrst og fremst sterk mótmæli sem náðu sínum árangri en spurning hvort að síendurtekin mótmæli af þessu tagi verði til að styrkja atvinnubílstjóra og málstað þeirra.

Lokun vegarins háalvarlegt mál

Athugasemdir

[Ari Guðmar Hallgrímsson, 27.3.2008 kl. 21:28]

Ég er smamála þér að sumu leyti, en held að þeir sem létu þetta pirra sig hafi ekki áttað sig á því að þessi mótmæli gætu komið þeim til góða líka. Hvað ummæli Slökkviliðsstjóra varðar, tíðkast svona mótmæli allavega í Frakklandi. Ekki veit ég hvort þeir hafa samband við slökkvilið áður en til framkvæmda kemur. það má vel vera. En frekar finnst mér það ósennilegt.

Kveðja

[Skaz, 27.3.2008 kl. 21:44]

Sammála þér í flestu, langar sterklega til þess að leggja til við þessa menn að endurtaka leikinn á morgun við Alþingi. Flauturnar á þessum bílum eru háværar þannig að þó að ráðamenn þættust ekki sjá þá myndu þeir svo sannarlega heyra til þeirra

[Haraldur Haraldsson, 28.3.2008 kl. 10:17]

Alhjörlega sammál þessum aðgerðum þó fyrr hefði verið!!!!!/en það þarf að láta Slökkviliðið og sjukrafluninga  vita/Halli gamli

[Elías Þór Haraldsson (IP-tala skráð) 28.3.2008 kl. 23:59]

Ég er hjartanlega sammála málstaðnum að öllu leiti þar sem klárlega er verið að brjóta á fluttningarbílstjórum sem öðrum í þessu þjóðfélagi með núverandi eldsneitisverði án nokkurar mótvægisaðgerða. Hins vegar er ég ekki sammála þessari leið sem farin var við mótmælin. Ég tel það ekki vænlegt til árangurs að láta mótmæli sem ætluð eru ráðamönnum þessa lands bitna á hinum almenna borgara. Líkt og mér fannst þegar mótmælin stóðu sem hæst gegn stjóriðjustefnu stjórnvalda og Miklubrautinni var breytt í alsherjarpartý. Hin almenni borgari, sem mótmælin voru ekki háð gegn, hlítur að hafa rétt á að velja hvort hann takki þátt í mótmælunum eða ekki sama hver málstaðurinn er. Því segi ég að mótmæli sem þessi bitna meira og minna eingöngu á hinum almenna borgara frekar en þeim sem þau eru háð gegn. Sérstaklega ef engin tilkinning er gefin hvenær mótmælin fara fram og fólk bara lendir fyrir tilviljun í vörubílaþvögunni meðan hinir sem hafa áhuga á að taka þátt í mótmælunum sitja heima. Ég vill þó taka það fram að ég var ekki einn af þeim sem var fastur í bílaröðinni fullur af gremju. Þetta er bara einfaldlega mín skoðun.

Það væri nær að leggja þeim kringum alþingi eins og skazið kom inn á og koma þannig í veg fyrir að þingmenn sem hlut eiga í máli komist leiðar sinnar.... þó að þeir eigi sjálfsagt efni á olíulítranum frekar en aðrir :) Samt sem áður vona ég að þessi mótmæli  eigi eftir að bera árangur þó að mér finnst þessi leið síður en svo vænleg til árangurs. Sérstaklega ef fluttningabílstjórar vilja fá hinn almenna borgar með sér í lið.