Bílstjórum meinaður aðgangur að ráðuneyti

Ekki eru það óvænt tíðindi að atvinnubílstjórar séu farnir að beina mótmælum sínum að fjármálaráðuneytinu og tjá sig beint við stjórnvöld. Þeir hafa undanfarna daga verið að undirbúa sig við að fara með þessi mótmæli lengra en að stoppa almenna umferð. Auk þess hafa mótmælin dreifst út um land og er ekki lengur bara barátta bílstjóra á höfuðborgarsvæðinu.

Fannst eiginlega fyndnast í gær að sjá frægan umhverfismótmælanda tala gegn þessum mótmælum á grundvelli þess að þau væru svo asnaleg og ekki vel skipulögð. Það er ekki nema von að spurt sé hvort að mótmælin séu ekki nóg fín að hans mati eða hvort að eina ástæða þess að hann sé ekki hlynntur mótmælunum sé að hann lenti í biðröð vegna þeirra og þurfti að bíða eftir að komast heim til sín. Sennilega.

Kemur mest á óvart að mótmælendum sé bannaður aðgangur að ráðuneytinu. Skil ekki það fyrst að ráðherrann er veikur. En það skiptir litlu hvort að ráðherrann er staddur í ráðuneytinu eður ei. Þetta eru enn ein sterku skilaboðin frá bílstjórum og ljóst af mótmælum þeirra um allt land síðustu dagana að engan bilbug er að finna á þeim. Hér á Akureyri var mótmælt í gær og greinilega fleiri sem mótmæltu þá en á þriðjudag. Veit líka dæmi þess að almenningur hafi mótmælt með þeim.

Mótmælt við fjármálaráðuneytið

Athugasemdir

[Steinn E. Sigurðarson, 3.4.2008 kl. 13:38]

Varðandi umhverfissinna, þá er alls ekki víst að umhverfissinnar séu fylgjandi lækkuðu eldsneytisverði, hvað þá mótmælum sem valda þúsundum bifreiða til að standa kjurar í umferðinni, langflestar í lausagangi og mengandi að óþörfu.

Myndi persónulega frekar ætla umhverfissinna þetta sjónarmið, heldur en smáborgaraháttinn þann að vera fúll yfir að festast -- en ég veit ekki, þú gefur ekki beina tilvísun í mótmælandann eða orð hans, svo ég get ekki dæmt sjálfur.

Hinsvegar finnst mér gott að bílstjórarnir séu *loksins* farnir að snúa mótmælum sínum að stjórnvöldum og ráðamönnum -- þeim sem hafa valdið til að mæta kröfum þeirra.