Að lifa með krabbameini

Vona að leikkonunni Cynthiu Nixon muni ganga vel í baráttu hennar við brjóstakrabbameinið. Þekki vel þessa baráttu við krabbameinið, enda hefur móðir mín átt erfiðan vetur, eftir að hún greindist með krabbamein síðsumars 2007. Við hafa tekið miklar meðferðir bæði lyfja- og geislameðferð, sem sér nú fyrir endann á, sem betur fer. Það er eitt að heyra af slíkum veikindum og annað að upplifa í nánustu fjölskyldu sinni.

Það er áfall fyrir alla sem upplifa þegar að ástvinur veikist svo alvarlega. Þetta er erfið barátta sem tekur á, ekki bara fyrir þann sem greinist, heldur alla sem nærri honum stendur. Þetta er sameiginlegt verkefni heillar fjölskyldu.

Cynthia Nixon með brjóstakrabbamein

Athugasemdir

[Tiger, 17.4.2008 kl. 02:36]

Það gleður mig mikið að heyra að móður þinni gangi vel í sínum veikindum. Svo mikið satt og rétt hjá þér að það er mikið áfall þegar krabbamein stingur niður fæti í nánum fjölskyldumeðlimum eða öðrum ættingjum sem og vinum. Það er sannarlega rétt að það er heilmikið verkefni sem tekur á alla fjölskyldumeðlimi þegar slíkt gerist.

Sjálfur greindist ég með krabbamein fyrir 4 árum en mínir læknar komust fyrir það á þeim tíma en þá var það nokkuð slæmt. Síðan þá hef ég farið í 3 aðgerðir og staðan í dag er staðbundin og til friðs - án meðferðar en stanslaust undir eftirliti. Ég og mín fjölskylda var heppin, en það er ekki sjálfgefið og oftar en ekki týnum við ástvinum í þennan erfiða og hættulega óvin .. takk fyrir mig hér og ég bið guð að styrkja móður þína!

[Dunni, 17.4.2008 kl. 06:08]

Krabbamein er sannkölluð djöflasending. Sjálfsagt erfiðast fyrir þá sem fyrir þvéi verða en eins og þú segir tekur þetta á alla nánustu fjölskylduna. Það er erfitt að lifa með óvissuna um hvernig okkar nánustu tekst í baráttunni við þennan óvægna sjúkdóm.

Vona svo innilega að móðir þín komist yfir þessa vá og nái sér að fullu. Á erfitt með að sjá hana fyrir mér þjást af sjúkdómi sem þessum. Hún er nú einu sinni uppáhalds frænka mín frá Eskifirði.  

[Stefán Friðrik Stefánsson, 17.4.2008 kl. 09:05]

Takk kærlega fyrir góð orð Dunni minn.

Takk Tigercopper fyrir kommentið. Vonandi mun þér ganga vel.

mbk.