Hver barði lögregluþjóninn á Kirkjusandi?

Dapurlegt er að sjá upptöku af því þegar að lögreglumaður var barinn á Kirkjusandi í dag, algjörlega af tilefnislausu. Atvinnubílstjórar sverja af sér manninn sem lagði til lögreglumannsins og kýldi hann. Eðlilegt er að spurt sé hver hafi þá barið lögguna og af hverju hann gerði það, sé hann ekki bílstjóri með yfirráð yfir þeim bílum sem átti að afhenta?

Þessi mótmæli bílstjóranna eru runnin út í sandinn og orðið eitthvað flipp og rugl, því miður þeirra vegna. Þeir hafa misst öll sín tromp og ættu að hætta þessu rugli meðan að þeir geta. Nóg hafa þeir skemmt fyrir sér. Ekki er gott ef einhver er að skemma enn frekar fyrir þeim með því að berja löggu að tilefnislausu og eðlilegt að fá því svarað hver gerði það og af hverju.

Annars er mál að linni í þessu rugli og vonandi að takist að lægja öldur, allra aðila vegna. Hvað bílstjóra varðar er ljóst að þeir hafa fokkað þessum mótmælum fyrir sér og þurfa því ekki á skemmdarverki á borð við þetta að halda í viðbót, þ.e.a.s. ef þeir standa ekki að þessu, sem hefur reyndar ekki enn verið svarað almennilega.

Ráðist á lögregluþjón

Athugasemdir

[Bimbó (IP-tala skráð) 24.4.2008 kl. 16:37]

Sem betur fer virtist mér sem hér hafi verið á ferðinni óviðeigandi ókurteisi og ruddaleg framkoma , fremur en gróf líkamsárás,,Samt áhugaverðari frétt enn morðtilræðið í miðborg óttans kl.04.30 í morgun,, M'ALIÐ er í rannsókn,, Látum lögguna í friði svo hún geti einbeitt sér að því að þjóna okkur,, Öll hennar orka virðist fara í að verja sig gagnvart árásum af okkur,,!

[Bylgja Hrönn Baldursdóttir, 24.4.2008 kl. 16:52]

hvar sér maður þessa upptöku?

[Stefán Friðrik Stefánsson, 24.4.2008 kl. 17:01]

Það er hægt að sjá þessa upptöku t.d. á vísir.is

mbk.

[ari (IP-tala skráð) 24.4.2008 kl. 17:04]

a) atvinnubílstjóri

b) einhver tengdur atv.bílstj.

c) einhverjum sem finnst rosa ósanngjarnt þetta bensínverð

þetta er lílegast í einmitt þessari röð. Ef þetta er atv. bílstjóri þá vilja þeir f. alla muni ekki láta það fréttast og fá almenning á móti sér.

[Ólöf (IP-tala skráð) 24.4.2008 kl. 17:14]

Gleðilegt sumar og takk fyrir veturinn:) Jah ég ætla ekki að tjá mig um mál vörubílstjórana, við erum á sitthvorri skoðuninni hvað það varðar:) Getum rökrætt það næst þegar við hittumst =) Eigðu góðar stundir.

[Jói (IP-tala skráð) 24.4.2008 kl. 17:56]

http://www.mbl.is/mm/frettir/innlent/2008/04/07/skotid_a_flutningabil/

Smelltu á neðri myndina, ég sé ekki betur en þetta sé nú trukkarinn þar lengst til vinstri á myndinni

[Þorvaldur (IP-tala skráð) 24.4.2008 kl. 18:15]

Ég er sammála Ólöfu um að þetta gæti vel verið sami maður og á myndinni.

En djöfull varð ég reiður þegar einhver heiladauður hálfviti sem er að horfa á kallar "JÁ! JÁ! JÁ!" og klappar þegar maðurinn kýldi og réðst svo á lögregluþjóninn.

Hvaða er að gerast í heilabúinu á þessari mannfýlu sem hvetur menn til að ráðast á annað fólk, í vinnunni eða ekki???

[Ívar (IP-tala skráð) 24.4.2008 kl. 18:34]

Jói. Ef að myndin sem að þú linkaðir á hérna fyrir ofan er af Trukkabílstjóra þá er Sturla að ljúga! Það sást greinilega á myndum úr fréttatíma stöðvar 2 að þetta var sami maður. Hann var meira að segja í sömu úlpu og hann var í í gær!

Lygalaupurinn Sturla....mér býður við þessu liði. 

[B.N. (IP-tala skráð) 24.4.2008 kl. 20:05]

Var að skoða myndbandið af þessum atburði og mitt mat er að þessi maður verði meðhöndlaður af réttarkerfinu eins og hvern annan glæpamann sem fremur svona alvarlegt afbrot eins og þarna gerðist.

Baldvin Nielsen Reykjanesæ  

[Guðný Anna Arnþórsdóttir, 24.4.2008 kl. 21:46]

Gleðilegt sumar!

[Birgir Þór Bragason, 24.4.2008 kl. 21:55]

Ég er að hugsa um að benda á bloggið mitt þann 3. apríl. Þar stendur þetta.

„Alveg er það makalaust að horfa upp á lofræður um hryðjuverk þessara manna, Sturla er anarkisti í eðli sínu. Hann og sumir sem honum fylgja eru á móti lögum og reglum. Það er hin raunverulega ástæða fyrir þessum hryðjuverkum. Þau kosta tugi miljóna hjá saklausum atvinnurekendum og já bráðum saklausum launamönnum sem verða af launum vegna þess að þeir mæta ekki í vinnu á réttum tíma. Stöðvum þessa vitleysu strax, með lögum skal land byggja.“

[Sigurbjörn Friðriksson, 24.4.2008 kl. 23:13]

Árásin á Kirkjusandi 

Tókstu eftir hvatningarhrópum vörubílstjóranna sem voru staddir á planinu til árásarmannsins í upphafi árásarinnar?  Það mætti endurtaka sýningu upptökunnar og hafa hljóðið þá aðeins hærra!  Ég mana sjónvarpsstöðina sem á myndbandið að gera það.

Ætli að Lára Ómarsdóttir hjá Stöð 2 hafi átt einhvern þátt í árásinni og hvatningarhrópunum?  Neeeei.  Hún segir að hún hafi bara verið að grínast varðandi eggjakastið.  Það gerir jú fólk í þessari stöðu á svona stundum.  Kannski er hún bara að "segja satt" eins og Sturla þegar hún ber þetta af sér?  Þar hafið góðan stuðningsmann.

[Gísli Birgir Ómarsson, 25.4.2008 kl. 00:51]

Það var alveg lygilegt já. " Hann er NÝKOMINN  úr hnéaðgerð " . . . . . . .