Sagan af hinum óþolandi flugdólgum

Undir niðri er ekki hægt annað en hlæja að þessum flugdólgum, en mikið skelfilega er nú leiðinlegt að lenda í svona fólki sem kann fótum sínum ekki forráð með drykkju og áreitir farþega í flugvélum. Þetta er sem betur fer ekki daglegt brauð, en eflaust gerist það æði oft að fólk fær sér einum of mikið neðan í því í fluginu og sumir fá sér ágætis skammt fyrir flugið. Fólk er mjög misjafnt fullt og það er fátt ömurlegra en lenda í að sitja með fólki sem hefur fengið sér of mikið og veit ekki alveg hvað þá á að gera nema að eyðileggja flugferðina fyrir öðrum.

Var reyndar einu sinni í flugstöð á Bretlandi fyrir nokkrum árum og þar tók ég einmitt eftir einum manni sem lá greinilega mjög vel áfengismareneraður á bekkjarunu í bið eftir flugvél. Hann var þó ekki dauður eins og við segjum en það varð að benda honum nokkuð vel á að vélin væri að fara, þegar að kallið kom. Og hann staulaðist um borð, náði að redda því og fékk sér meira og svaf hinu værasta á leið til Íslands. Hann missti sig reyndar aðeins í vélinni og tók væn köst en bar sig að öðru leyti sig vel. En hann náði athygli allra um borð. Stjarna flugsins.

Varð loks rólegur og settlegur er Keflavík var í sjónmáli. Hef heyrt í mörgum sem hafa upplifað vissa dramatík í fluginu yfir Atlantshafi með þeim sem hafa gengið lengra. Frægust er sennilega sagan sem ég heyrði af einum í fluginu með tannlækninum sem tók vænt kast og allt varð vitlaust út af. Man mjög vel eftir viðtalinu við hann eftir á þar sem hann vildi skaðabætur frá flugfélaginu og alles. Reyndar ekki heyrt af málinu síðan, nema þá í fyndinni ferðasögu, sem viðstöddum fannst reyndar ekki fyndið meðan á henni stóð.

Held af lýsingum að dæma að þessi maður hafi ekki beint brosað framan í flugfreyjurnar í vélinni og sennilega best geymdur á fjarlægum stað að sofa úr sér gleðivímuna og lætin. En það er ekki á hverjum degi sem svona fréttir koma, sem betur fer segir maður bara. En alltaf komast blessaðir flugdólgarnir nú í fréttirnar.

Áreitti farþega á leið til Toronto

Athugasemdir

[Anna Guðný , 22.5.2008 kl. 00:28]

Erum einmitt að fara í flug, fjölskyldan, eftir helgi. Vonandi verður enginn flugdóni þar á ferð.

[Stefán Friðrik Stefánsson, 22.5.2008 kl. 00:31]

Takk kærlega fyrir kommentið.

Góða ferð og hafið það gott í fríinu. Vonandi sleppið þið alveg við svona stemmningu í ykkar flugi. :)

mbk.

[Bimma (IP-tala skráð) 22.5.2008 kl. 02:55]

Á öllum mínum flugferðum frá þessu blessaða skeri (og þær eru nú orðnar ansi margar) hef ég sem betur fer aldrei lent í svona fólki...ef það myndi gerast myndi mín að sjálfsögðu munda myndavélina og vídeóa allt sjóvið, trust me ;)

Verð að viðurkenna að ég fer oftar en ekki með 'aðeins í tánni' í flug þar sem þetta er eitt það leiðinlegasta sem ég geri...en aldrei myndi ég fara svo gersamlega ofurölvi að ég missi allt skyn. Það er auðvitað bara rugl! :(

Annars er ég að fara að fljúga til Toronto í næsta mánuði...læt þig vita með aldeilis epískri bloggfærslu ef eitthvað svipað ef ekki meira hendir í mínu flugi! ;) 

[Ólöf Kristín (IP-tala skráð) 22.5.2008 kl. 12:41]

Það er meira en óþolandi þegar fólk getur ekki hamið sig í flugvél útaf drykkju. Þegar við fórum forðum til Írlands voru tveir svona um ferð (tvíburar í þokkabót!) og þeir voru orðnir sauðdrukknir, tóku alltaf upp símann sinn hótuðu að kveikja á honum og læti hehe sögðust ætla að sjá til þess að við myndum lenda á Grænlandi :)  Greyið flugfreyjan í því flugi!

En stefán þú skrifar ekki á netinu þar sem frænka þín getur séð að það sé ánægjulegt að Man utd vinni leik! =)

það vantar sylvíu þarna í tónlistarspilarann. En ég hafð nú lúmskt gaman af írska laginu, ég hló mig máttlausa af atriðinu hehe. Mér finnst algjört must að sjá eitt og eitt atriðinu sem maður getur skemmt sér yfir.