Hryllileg meðferð móður á barninu sínu

Fannst frekar sorglegt að lesa Moggafréttina um bandarísku konuna sem misþyrmdi syni sínum. Auðvitað er það skelfilegt að til séu foreldrar sem ráðist á börnin sín með andlegu og líkamlegu ofbeldi og það á þessum tæknivæddu nútímalegu tímum sem við lifum á - þeim tímum sem við stærum okkur af að allt sé svo fullkomið; tæknin og velsældin aldrei meiri. En það er því miður svo að skemmd epli finnast alltaf í stórum körfum.

Þetta er stingandi veruleiki sem þarna sést. Því miður hefur sést vel í gegnum árin að mikil grimmd er í þessum heimi. Ofbeldi, bæði líkamlegt og sálrænt, er orðið of ráðandi þáttur samfélagsins og það er orðið svo margt ógeðslegt sem kemur upp. Gott dæmi um það hérna heima eru alvarleg mál kennd við Breiðuvík og Byrgið, sem mikið hafa verið í umræðunni. Það allra versta er þó þegar að foreldrar leggja hendur á börnin sín eða hefta frelsi þeirra.

Sálrænt ofbeldi er engu skárra en líkamlegt ofbeldi. Það vill oft leggjast þyngra á sálina. Það er vissulega hægt að bæla fólk með ýmsum hætti og slíkt ofbeldi er og verður jafnt því þegar að fólk er jafnvel barið sundur og saman. En það er alltaf ömurlegt að lesa svona fréttir.... því miður held ég að þessi bandaríska móðir sé ekkert einsdæmi.

Móðir misþyrmdi fimm ára syni sínum skelfilega

Athugasemdir

[Guðmundur Pálsson, 20.6.2008 kl. 23:34]

Ég veit ekki hvort fólk nennir að spá í þetta sálfræðilega. Það eru yfirgnæfandi líkur á því að konan geri engan greinarmun á sjálfri sér og barninu og lifi í sjúklegri symbiosu við barnið, sé sálsjúk, deprimeruð eða jafnvel psykotisk. Illskan beinist í huga hennar að henni sjálfri og því sé þetta einsk. sjálfshatur. Annar möguleiki er að hún hafi persónuleikatruflun og tortúrinn valdi örvun af kynferðislegu tagi. Það er jú þekkt í pyntingum. Þetta er hörmulegt.

[Bumba, 21.6.2008 kl. 09:17]

Já þetta er hörmulegt en því miður algengara en fólk gerir sér grein fyrir. Kannski ekki svona gróft, en engu að síður háalverlegt mál. Ég held að það ætti nú að fara fram nákvæmar rannsóknir á svokallaðri mæðrakúgun sérstaklega á drengjum. Er hræddur um að fólk hrökkvi nú við sé sanneikurinn dreginn fram í dagsljósið. Með beztu kveðju.