Ólafur F. sparkar í Ólöfu Guðnýju

Mér finnst brottrekstur Ólafar Guðnýjar Valdimarsdóttur vera Ólafi F. Magnússyni, borgarstjóra, til skammar. Illa er að ákvörðuninni staðið og afleitt að samstarfsmenn hans, þar á meðal meirihlutafulltrúar í ráðinu, heyri fyrst af brottrekstri hennar úr nefndinni í fjölmiðlum. Reyndar er stórmerkilegt að þessi kona hafi verið pólitískur aðstoðarmaður Ólafs F. þar til fyrir stuttu síðan. Væri ágætt að heyra hvað hefur eiginlega gerst á milli þeirra.

Ólafur F. virðist vera mjög laginn við að missa traust þeirra sem vinna með honum. Ekki aðeins tókst honum að missa þær sem sátu í öðru og þriðja sæti framboðslistans sem hann leiddi úr hópnum heldur hefur hann losað sig við pólitískan aðstoðarmann sinn, sem hann valdi sjálfur, á fyrstu mánuðum borgarstjóraferils síns. Stórar spurningar um pólitískt bakland borgarstjórans í Reykjavík og styrk hans hljóta að vakna í kjölfarið.

Mér finnst svona verklag ekki til sóma fyrir borgarstjórann. Varla er þetta stöðugleikamerki, hvorki fyrir hann, né meirihlutann sem situr við völd. En hvað segir Ólöf Guðný? Forðum daga, í pólitískum ólgusjó, sagði hún að trúverðugleiki borgarstjórans væri hafinn yfir allan vafa. Hver er staðan með þann trúverðugleika nú?

Borgarstjóri skiptir um varaformann skipulagsráðs

Athugasemdir

[Stefán (IP-tala skráð) 29.7.2008 kl. 14:29]

Margar ákvarðanir þessa einræðissinnaða, ólánssama og vægast sagt óvinsæla borgarstjóra virðast vera ansi geðveikislegar. Svo dregur hann borgarfulltrúa Sjálfstæðisflokksins með sér niður á lágt plan.

[Fíllinn (IP-tala skráð) 30.7.2008 kl. 16:42]

það voru nú sjallarnir sem drógu Ólaf á flot eftir að hafa grenjað sig aftur í meirihluta. Þar hæfir kjaftur skel