Kom Eggert í veg fyrir að feðgarnir spiluðu saman?

Þessi uppljóstrun um ástæðu þess að feðgarnir Arnór og Eiður Smári spiluðu aldrei saman landsleik er sannarlega áhugaverð. Hef allan tímann talið að þjálfarinn hefði tekið þessa ákvörðun eða aðrar ástæður ráðið för en svo virðist vera að þarna hafi verið skipun að ofan, frá Eggert Magnússyni, formanni KSÍ, um að þeir fengju ekki að eiga þetta eftirminnilega augnablik saman.

Íþróttafréttamenn hljóta að leita eftir áliti Eggerts á þessu máli, enda hefur mikið verið um þetta rætt af hverju þeir feðgar spiluðu aldrei saman. Og það hefur verið velt fyrir sér öllum mögulegum ástæðum þess að það hafi ekki gerst. Auðvitað er það eðlilegt enda eru þeir feðgar með bestu knattspyrnumönnum íslenskrar íþróttasögu og þeir hefðu átt að fá allavega einn leik saman.

Hef svosem aldrei verið einn þeirra sem hafa dáðst mest af Eggerti, en frekar er það nú dapurlegt ef hann hefur gefið skipun um að þeir myndu ekki spila saman.

Eiður Smári: Ákvörðunin kom að ofan

Athugasemdir

[Fjarki , 7.8.2008 kl. 06:50]

Vakna þá ekki líka spurningar um Eggert M hjá West Ham?

Var ekki Eiður orðaður hvað mest við West Ham þegar Eggert hvarf á brott þaðan?

[Sigþóra Guðmundsdóttir, 7.8.2008 kl. 09:17]

Þeir spiluðu sama landsleikinn, annar kom inn á fyrir hinn... svo fannst manni að næsti leikur ætti að ganga aðeins lengra og láta þá spila hlið við hlið... en þá meiddist Arnór! Hvort Eggert átti þessa hugmynd eða ekki hef ég ekki hugmynd um!

[Stefán Friðrik Stefánsson, 7.8.2008 kl. 13:22]

Takk fyrir kommentin.

Hef ekki heyrt þessa skýringu áður, sem kemur frá Eið sjálfum. Hef alltaf talið aðrar ástæður hafa ráðið för og komið í veg fyrir að þeir spiluðu saman.

mbk.

[Ketill Sigurjónsson, 7.8.2008 kl. 16:23]

Mér hefur alltaf verið kalt til Loga, eftir að hann setti þá ekki báða inn. Svo slasaðist Eiður og draumurinn var úr sögunni. Þeir Logi og Eggert verða auðvitað að upplýsa okkur um sannleikann í þesssu máli.

[Guðmundur Halldórsson, 7.8.2008 kl. 18:03]

Það var alltaf planið að láta þá spila næsta leik á eftir saman, sem var einmitt heimaleikur. Það var í sjálfu sér rökrétt að þessi tímamótaviðburður ætti að eiga sér stað á heimavelli. En það sá auðvitað enginn fyrir þessi slæmu meiðsli Eiðs Smára.

[Róbert Þórhallsson, 8.8.2008 kl. 00:05]

Enginn gat séð þetta fyrir, svona eru örlög mann ófyrirsjáanleg. Mér finnst þetta skemmtilega táknrænt, að Eiður taki við af pabba sínum. Fylli í fótspor hans og taki við keflinu.