Glæsileg frammistaða landsliðsins í Noregi

Auðvitað er það frábær árangur hjá landsliðinu að ná jafntefli í Noregi og fá stig út úr leiknum. Vonaði það besta en óttaðist hið versta fyrir leikinn enda er staða íslenska landsliðsins ekki beint glæsileg um þessar mundir og gengi þess ekki verið upp á hið besta. En vonandi er leiðin aðeins upp á við núna undir forystu Ólafs Jóhannessonar, landsliðsþjálfara.

Staða íslenska landsliðsins í knattspyrnu var erfið við þjálfaraskiptin fyrir tæpu ári. Að flestu leyti var þar sviðin jörð eftir þjálfaraferil Eyjólfs Sverrissonar. Liðið vann aðeins tvo leiki undir forystu hans og uppbyggingarstarfið hefur tekið sinn tíma.

Þetta jafntefli sýnir allavega að liðið getur náð einhverjum árangri. Kvennalandsliðið hefur náð glæsilegum árangri að undanförnu og þarf karlalandsliðið að taka sig heldur betur á til að ná viðlíka árangri.

Gaman að sjá Heiðar Helguson, bekkjarbróður minn í grunnskóla, skora mark í sínum fyrsta landsleik um nokkuð skeið. Óska honum til hamingju með það. Fínt að sjá Eið skora líka. Vel af sér vikið.

Frábær úrslit í Osló

Athugasemdir

[Haraldur Haraldsson, 7.9.2008 kl. 10:05]

Já maður er bara stoltur af drengjunum okkar núna,kannski þetta fari nú að retta við hjá okkar mönnum!!!!/Halli gamli

[Þorgils Hlynur Þorbergsson (IP-tala skráð) 7.9.2008 kl. 13:01]

Það eru mörkin sem telja en ekki spörkin! Kær kveðja, Þorgils Hlynur Þorbergsson.