Dómsdagsspá fræðimannsins

Ég er ekki hissa á því að allt sé orðið vitlaust vegna ummæla Gylfa Magnússonar. Ummæli fræðimanns í Háskólanum um að íslenska fjármálakerfið sé komið í greiðsluþrot er aðeins til þess fallið að leiða til ofsahræðslu almennings. Þetta er dökk spá og greinilegt að stjórnmálamenn og yfirmenn Seðlabankans eru ekki tilbúnir til að skrifa undir hana og skal engan undra. Gangi þessi spá eftir er samfélagið orðið frosið í gegn og við öll komin á vonarvöl.

Vissulega er staðan vond en þegar fræðimenn nota stöðu sína til að koma með svona spár er ekki við öðru að búast en samfélagið fari í panik-ástand. Tal fræðimannsins rímar reyndar við það sem forstjóri N1 sagði í gær og yfirlýsingar Baugs um að nú þurfi að fara að hamstra mat. Þetta eru alvarlegar yfirlýsingar og leiða aðeins til þess að þjóðin sekkur í þunglyndi og vonleysi, ekki aðeins um næstu vikur heldur framtíð sína á komandi árum.

Davíð: Menn tali varlega

Athugasemdir

[Gísli Sigurðsson, 3.10.2008 kl. 22:29]

Ég setti þessa athugasemd við þessa frétt fyrr í dag:

Þetta er sjálfsagt rétt hjá Davíð. En hann ætti sjálfur að líta í eigin barm, lýsti hann ekki sjálfur því yfir nú í vor eða sumar að fasteignaverð myndi lækka um þríðjung á næstu mánuðum?

Er þetta dæmi um að tala varlega? Mér fannst það ekki á þeim tíma sem hann lét þessi orð falla. Maður í hans stöðu finnst mér að megi ekki gefa svona yfirlýsingu um jafn stóran hluta af eignum fólksins í landinu. Gáum að því að við er um að tala  um aleigu margra okkar. Ég gæti trúað að bara þessi orð hans hafi haft áhrif til lækkunar fasteignaverðs eða í það minnsta verðstöðvun.