Aðgerðarleysi er orð kvöldsins

Ég varð alveg gáttaður þegar ég heyrði það áðan að aðgerðarleysi væri niðurstaðan af maraþonfundum helgarinnar. Hélt fyrst að þetta væri lélegt og síðbúið aprílgabb. Eftir allar gestakomurnar í Ráðherrabústaðnum er niðurstaðan engin og allir eru jafn hugsi yfir því hver staðan verði næstu vikuna. Var þetta kannski allt bara í plati? Ekki nema von að spurt sé.

Hvers vegna er enginn aðgerðarpakki kynntur? Á hverju strandar eða hvað stendur í vegi þess að það sé kynnt sem allir hafa búist við síðustu dagana? Kannski var hægt að afsaka aðgerðarleysið í sjálfri stefnuræðunni með því að það sé verið að vinna að einhverju, en er það hægt öllu lengur? Á virkilega ekkert að liggja á borðinu áður en markaðir opna með morgni?

Þetta er vægt til orða tekið mikil vonbrigði og hlýtur að vekja spurningar um hvort ríkisstjórnin ráði við að díla við sjálfa sig, hvað þá kreppuna.

Ég vorkenni samt pressunni að standa úti í kuldanum alla helgina að fá svo að heyra það í helgarlok að það sé ekkert að frétta í raun.

Ekki þörf á aðgerðapakka

Athugasemdir

[Sigurður Ingi Jónsson, 6.10.2008 kl. 00:15]

Segjum tveir. Ég er alveg furðulostinn yfir þessum fréttum. Ertu ekki með einhvern úr þingflokknum á línunni? Það væri gaman að fá fréttir af fundinum sem hófst kl. 23:00 í kvöld.

[Steingrímur Helgason, 6.10.2008 kl. 00:34]

Af því að mér finnst þetta súrt sjálfum, þá ætla ég ekkert að stríða þér Stebbi fyrir það að þú verður enn samt Sjálfstæðismaður þegar þú vaknar á morgun.

Mar kann sig.

[Marinó G. Njálsson, 6.10.2008 kl. 00:41]

Meðan allar ríkisstjórnir í Vestur-Evrópu eru á fullu að slökkva elda, þá hellir sú íslenska restinni af olíubirgðum landsins á köstinn.  Ákvörðunarfælni þessarar ríkisstjórnar er lyginni líkust.

[Skaz, 6.10.2008 kl. 01:52]

Spurning hvort að hér hafi Geir og allir fjármálamenn landsins verið að ná sér niður á pressunni með því að láta þau bíða alla helgina úti í kuldanum eftir einfaldlega engu?

[Stefán Kjartansson (IP-tala skráð) 6.10.2008 kl. 02:12]

Sorglegt þegar að fullorðnir menn hafa ekki skilning á því að það að uppljóstra um aðgerðir stjórnvalda áður en þeim er hrint í framkvæmd getur haft þveröfug áhrif. Þetta var flott múv hjá honum að segja að engin þörf sé á aðgerðarpakka, en beita honum síðan. Það er rétta leiðin og hefur meiri áhrif en að gefa umheiminum fyrirvara áður en aðgerðapakkanum er beitt....