50 milljarða skuldir afskrifaðar í Kaupþingi

Nú hefur verið staðfest, sumpart með þögninni, að sögusagnir um tugmilljarða afskriftir skulda í Kaupþingi eru réttar. Þetta er grafalvarlegt mál og eðlilegt að þjóðin sé mjög reið yfir þessum siðlausa og ógeðslega verknaði. Hvernig er hægt að treysta Kaupþingi sem stofnun í samfélaginu eftir þetta? Getur ríkið rekið banka undir þessu nafni eftir svona verknað, burtséð frá því hvort hann hafi verið gerður á vakt fyrri eigenda? Ég stórefast um það.

Ég er ansi smeykur um að ýmislegt miður geðslegt leynist undir yfirborðinu í þessu bankahruni. Svona massíf afskrift skulda hlýtur að leiða til þess að þjóðin fari í byltingarhug, nú þegar heimili landsins eru að sligast, skuldir aukast og atvinnuleysi er að aukast. Örlagatímar eru framundan í samfélaginu og við horfumst í augu við mjög kuldalega tíð í efnahagsmálum þjóðarinnar í skammdegistíðinni.

Svona frétt ein og sér kveikir elda í samfélaginu. Þetta getur almenningur ekki sætt sig við. Nú þurfa allir landsmenn að sýna reiði sína og kraft með því að tala gegn þeim sem fremja svo siðlausan og ógeðfelldan verknað. Þetta er blaut tuska framan í almenning í þessu landi.

Og þögnin er algjör. Enginn ráðamanna vill láta ná í sig núna. Þetta er vandræðaleg þögn. Hvar er eftirlitskerfið í landinu? Hvernig getur Fjármálaeftirlitið látið sjá sig sem ábyrgan aðila eftir svona verklag?

Engar niðurfellingar hjá Landsbanka

Athugasemdir

[Jóhann Hallgrímsson (IP-tala skráð) 3.11.2008 kl. 20:26]

Það hefur verið talað um að vegna þess að ekki má gjalþrota maður vinna
þessa vinnu hafi þessa ákvaðanir verið taknar. ég segi "so what". villjum
við hafa þessa menn í vinnu sem hafa skitið svona gersamlega uppá bak. ef
ég réki fyrirtæki þar sem svona fór myndi ég reka þá sem eru ábyrgir
fyrst. ég vil endilega senda þessa menn út á guð og gaddinn.

[Birna Dis Vilbertsdóttir (IP-tala skráð) 3.11.2008 kl. 20:37]

Ég ætti væntanlega að geta rölt í KB banka og fengið niðurfellingu minna skulda þar líka.Stefni á að gera það í vikunni.

[J. Trausti Magnússon, 3.11.2008 kl. 20:38]

Nú er manni gjörsamlega ofboðið. Þvílíkur glæpur. Og það sem mér finnst einnig óhugnanlegt að þetta fréttist ekki nema af því að einhverjum starfsmanni Kaupþings ofbauð og sendi tölvupóst út um allt. Enginn í skilanefndunum eða í fjármálaeftirlitinu segir orð. Það átti bara að þegja málið í hel og ekki að gera neitt í því.

[Gunnlaugur Ingvarsson (IP-tala skráð) 3.11.2008 kl. 20:52]

Þetta er algjörlega siðlaust og maður verður bara algjörlega brjálaður að þjóðfélagið ætli að láta þessa snápa komast upp með svona og þetta er algjörlega á ábyrgð ráðamann og þá é ég við Ráðherra bankamála Björgvin G. Sigurðsson Viðskiptaráðherra og líka sjálfan Forsætisráðherrann. Svona siðlaus gjörningur er algjörlega á ábyrgð þessara ráðamanna og verður ekki liðinn, ef þetta er satt þá verða þessir herrar að gjöra svo vel að víkja STRAX ! Ég meðal annars og margir aðrir höfum lent í því að fyrirtækin okkar lentu í vandræðum útaf gengisfellingu eða aflabresti eða öðrum búsyfjum. Þá var enginn miskunn hjá ríkisvaldinu hvað þá þessu toppbankaliði eða neitt maður mátti missa húsið ofan af sér, fjölskylduna og sitt og aleiguna. Maður fékk ekki einu sinni að opna bankareikning í nokkur ár eftir áfallið. Maður var niðurlægður og útskúfaður af þessu bankaliði í mörg ár og það tók a.m.k. 10 ár að ná sér aftur eitthvað á strik. Nú sýður alveg uppúr, þetta ofan á allt annað er meira en meira en nóg.  

[Magnús Þór Jónsson, 3.11.2008 kl. 21:47]

Sæll Stefán.

Hef lesið pistla þína lengi en er nú að kommenta hér í fyrsta sinn.  Ég er hjartanlega sammála þér, hverju orði.

Hef alltaf verið hægra megin við miðju í stjórnmálum, vegna þess að ég hef talið mikilvægi einstaklingsframtaksins vera forsendu þess að gott samfélag þrífist.  Hins vegar hef ég ekki verið of langt til hægri þar sem ég tel að of mikið vald fjármagnsins valdi sama skaða og kommúnisminn gerir.

Í dag er ég jafn reiður og þú.  Ég væri svei mér til í að taka þátt í byltingaraðgerðum sjálfur því siðleysið og viðbjóðurinn í þessari gjörð þessara manna er svo svakalegt að maður skammast sín fyrir að vera þegn í sama þjóðfélagi og þeir!

Það sem þessir menn hafa gert er að hirða endalaust af peningum venjulegs fólks og síðan gengið miklu lengra og látið lánin sín gossa rétt fyrir lokun.  Ég hef sjálfur haft reynslu af erfiðleikum í fjármálum í kjölfar erfiðleika einkafyrirtækis sem ættingi minn rak.  Ég þurfti að fara í Kaupþing til að taka á mig miklar byrðar sem ég er stoltur af að hafa klárað með miklum erfiðismunum auðvitað.

Íslensk kerfi, hvaða nafni sem þau nefnast, stjórnkerfi, fjármálakerfi, eftirlitskerfi, ráða ekki við neitt og skammarlegast af öllu er þögn allra sem nú sitja uppi með skömmina.

Kaupþing á að leggja niður á morgun, allavega nafnið, og síðan á að finna þessa menn og gera þeim þann greiða að draga þá til ábyrgðar áður en dómstóll götunnar nær til þeirra.  Án nokkurra ýkja tel ég þetta land okkar jarða á barmi átaka sem aldrei hafa sést í Íslandssögunni og ljóst að ef ekki fer eitthvað að gerast á næstu dögum sem lægir öldurnar erum við í vondum, vondum málum sem þjóð.....

Takk fyrir flotta pistla í gegnum tíðina!

[Ari Guðmar Hallgrímsson, 3.11.2008 kl. 22:17]

Þetta er sú tækni sem þeir eru búnir að koma sér upp í gegnum árin, og hefur gefist þeim vel. Þeir hugsa sem svo, "lýðurinn " tuðar einhverja stund við látum lítið á okkur bera rétt á meðan. Síðan gerum við bara það sem okkur sýnist eins og við höfum alltaf gert, og komist upp með. Ég veit eiginlega ekki lengur í hverskonar helvítis bananalýðveldi við erum lent, ég hef nú sjaldan verið í vandræðum með lýsingarorð, en yfir þessum ræningja og rumpulýð er mér orða vant. Það fer kannski best á því.

Kveðja.

[Gísli Már Marinósson, 3.11.2008 kl. 22:37]

Það er komin svo mikil skítalykt af þessum bankamálum að hún verður lengi að hverfa úr loftinu. Það verður fróðlegt að heyra hvað viðskiptaráðherra segir um þetta ef hann segir þá nokkuð samfylkingin gæti hrapað í skoðunakönnunum ef þeir fara að ropa eitthvað sem kæmi sér illa fyrir þá.

[Jóhannes Snævar Haraldsson, 3.11.2008 kl. 23:53]

Í nokkrar vikur er sama siðlausa liðið og setti Ísland á hausinn búið að sitja í ríkisstjórn. Í nokkrar vikur er sama siðlausa liðið og setti Ísland á hausinn búið að sitja í Seðlabankanum.

Nú finnast nokkrir siðlausir í viðbót og þá heldur þú að það  kvikni eldar. Ja,  hérna, það er aldeilis.

[Teitur Guðnason, 3.11.2008 kl. 23:58]

Já ekki er annað hægt en að vera reiður yfir þessu, En það er skammt milli hláturs og gráturs. Eru þetta ekki mennirnir sem var hampað hæst fyrir dugnað og elju í þeirri útrás sem að bankarnir stóðu í. Eru þetta ekki mennirnir sem voru kosnir menn ársins og á allann hátt borið undir af okkur hinum sem að litu upp til þeirra. En þarna var auðvitað maðkur í mysunni og sýnir bara að spilling fyrirfinnst hér á landi sem og annarstaðar, þó svo að við höfum ekki viljað trúa því hingað til. Já vonandi verður málinu fylgt eftir en ekki bara sópað undir borð eins og svo oft vill verða með svona mál hér á landi, því að þarna er auðvitað um stórþjófnað að ræða og ekki bara það, eins og fram hefur komið að bankarnir hafi tekið stöðu gagnvart krónunni, þá er um hrein og klár landráð að ræða.

Teitur Guðnason

[Guðmundur Ásgeirsson, 4.11.2008 kl. 00:46]

Við sem teljum okkur til heiðarlegra hægrimanna (ekki öfgafrjálshyggjumanna) erum að sjálfsögðu öskureiðir yfir þessu. Ég held að það eigi við um flesta "almenna flokksmenn" þó ég sé ekki lengur í þeim hópi. Hvernig gat eitthvað svona gerst og hverjir sváfu á vaktinni? Hvernig ætli viðmótið verði svo á hinum enda hins pólitíska litrófs? Það kæmi ekki á óvart ef fleira en grænmeti verði látið fljúga næst þegar sést til ráðamanna þjóðfélagsins eða einhverra af þessum verðbréfapésum á almannafæri. Viðbrögð æðstu ráðamanna við þessum síðustu fregnum munu skipta öllu máli fyrir það sem mun eiga sér stað næstu daga, það tjóir ekki að reyna að breiða yfir þennan ósóma lengur. Verði það reynt mun friðurinn verða skammlífur í þessu þjóðfélagi miðað við hitann sem er í fólki!

[Óskar Örn Arnarson (IP-tala skráð) 4.11.2008 kl. 01:15]

Þetta er hreinn og klár viðbjóður og myndi ég ekki vilja vera einn þessara manna og mæta Íslending á næstunni. Það liggur við að þeir séu réttdræpir. En það kemur að því að menn verða sóttir til sakanna. Bara spurning um tíma. (Eða það ætla ég a.m.k. rétt að vona).

[Bimbó (IP-tala skráð) 4.11.2008 kl. 02:56]

Jáááá,, Nú er ísinn byrjaður að bráðna,,Ég er farinn að hugsa ýmislegt miður gott þegar ég sé ofurbensa og súperjeppa í umferðinni , armani dressaðan ökumanninn talandi í bísnessmannasímann sinn,, Sennilega verð ég að selja gömlu mözduna mína og kaupa mér lödu í staðinn til að vera örugglega ekki talinn vera fyrverandi bankastarfsmaður,,Sum bankarán eru glæpur hin eru það ekki,, munurinn er sá að ef ræninginn er utanaðkomandi telst það glæpur og sérsveitinn er kölluð til,, sé þjófurinn innanbúðar  teljast það vera ófyrirsjáanlegar uppákomur,,og bara afskrifast,,Ef ekki þá hótar innanbúðarmaðurinn því að segja upp starfi sínu,,??? Nei nú er ég hættur að skylja rökfræðina,,Góðir landsmenn !! nú þegar allt er glatað og 64 ára sjálfstæðis strit er unnið fyrir gýg,,þá meigum við ekki gleyma því að við höfum góða heilsu og hvað er dýrmætara enn það,, Svo ég nú vitni í orð Hannesar Hólmsteins,, Ja hérna þetta er að verða það lengsta áramótaskaup sem ég hef séð,,Vonandi vakna ég bara upp af vondum draumi á morgun og allt verður eins og áður,,????

[Gunnar Már (IP-tala skráð) 4.11.2008 kl. 09:14]

Ekki má svo gleyma Landsbankanum í þessu sem var að senda frá sér tilkynningu um að þeir hafi ekki lánað stjórnendum sínum fyrir hlutbréfakaupum í bankanum og því hefðu ekki átt sér stað neinar niðurfellingar á skuldum.

Eeeen hinsvegar er ekki minnst einu orði á þær bónusgreiðslur sem áttu sér nokkrum dögum fyrir hrunið. Þar sem að stjórnendur bankans greiddu sér yfir 10.000 milljónir!!! í bónus fyrir "vel" unninn störf á árinu.

 Svo var nú ekki eins og margir stærstu hluthafarnir hafi ekki náð að bjarga sér fyrir horn..

Hvernig stendur til dæmis á því að Magnús Ármann sem átti mest allt sitt í FL-Group sem síðan varð Stoðir sem nú er í greiðslustöðvun. Maður sem er búinn að tapa gríðarlegum fjármunum og samkvæmt öllu ætti að vera hausnum eins og vinir hans Hannes Smárason og Steini í kók. Hann meðal annars lét moka aftur ofan í skurð á húsinu sem hann ætlaði að byggja fjölskyldu sinni því eitthvað vantaði fjármagnið í verkið.

Hvernig getur þessi maður keypt í Landsbankanum fyrir 9.000.000.000 (9milljarða) síðasta daginn sem seld eru hlutbréf í bankanum???

Þetta fékk hann allt að láni frá bankanum því ekki átti maðurinn peninga fyrir þessu, það er nokkuð ljóst. Hver í Landsbankum tók ákvörðun um að lána honum 9 milljarða fyrir þessum kaupum?

Mín tilgáta er sú að hann sem er búinn nánast öllu sínu í kreppunni hafi verið fenginn gegn vænni þóknun til að taka þátt í þessum gjörning til að losa marga stærstu hluthafana út, þar á meðal Sigurð Bollason besta vin sinn sem átti 3 milljarða í bankanum.