Huldumaðurinn og leynifélagið

Í sjálfu sér er ekki hægt annað en fagna því að huldumaðurinn í Stími hefur loksins tjáð sig um mál þessa leynifyrirtækis sem enginn hefur viljað kannast við. Heldur finnst mér þó þetta mál verða snúnara eftir þessa yfirlýsingu, enda ljóst að Glitnir átti stærsta hlutinn í fyrirtækinu og þeir menn sem sögðust um daginn enga vitneskju hafa um málið virðast hafa vitað allt um það ef marka má þessa yfirlýsingu. Auk þess er Saga Capital þarna með stóran hlut en menn á þeim bænum þögðu um Stím um daginn.

Ég skil ekki af hverju þessar upplýsingar hafi ekki komið fram fyrir þónokkru og þeir sem áttu þar stóran hlut hafi verið í feluleik þetta lengi. Mikilvægt er að kafa dýpra ofan í þetta mál.

Yfirlýsing frá Stími

Athugasemdir

[joð (IP-tala skráð) 29.11.2008 kl. 18:22]

Sæll Stefán. 

 Vissulega virðingarverð tilraun, en að sama skapi út í hött hjá aðstandendum STÍMS.

Hugleiðingar um hana og nokkrar spurningar sem gaman væri að þú reyndir að skýra fyrir mér ef þú hefur þær einhverjar?


1.  Aðspurður í Silfri Egils þóttist fyrrverandi bankastjóri Glitnis, Lárus Welding ekkert vita um hvaða fyrirtæki STÍM var, örfáum dögum fyrir grein Agnesar.  Samt er bankinn sem hann stjórnaði, lang stærsti eigandi STÍMS samkvæmt þessum nýju upplýsingum.

2.  Skyndilega strax eftir grein Agnesar vissi Lárus allt um STÍM og fullyrti að um hreinan uppspuna væri að ræða sem kæmi fram í grein hennar.

3.  Sama gerði Jón Ásgeir sem gat fullyrt að um fullkomlega eðlilegar lánveitingar hafi verið að ræða til STÍMS, vissi meira að segja að þarna var um skuldbreytingar að hluta...????

4.  En ef hann hvorki þekkir félagið né aðstandendur þeirra. Hvernig veit Jón Ásgeir þetta þá?

5.  Hver braut bankaleynd til að upplýsa hann um það?

6.  Er Lárus Welding að diskútera málefni annarra skuldara við Jón Ásgeir og hugsanlega fleiri og brýtur þar með bankaleynd?

7.  Eða er það Birna eða einhver annar að ræða trúnaðarmál  bankans við Jón Ásgeir og brýtur þar með bankaleynd?

8.  Er það þá ekki brot á bankaleynd og ástæða rannsóknar líka?

9.  Birna nýji bankastjóri Glitnis fór ásamt Lárusi Welding og Jóni Ásgeir, mikin í að fullyrða að um lygar og róg Agnesar væri að ræða, og Jón Ásgeir hótaði henni málsókn, as usual.  Birna líka fyrir hönd bankans.

10.  Lárus og Birna fyrrverandi og núverandi bankastjórar Glitnis heimta bæði að nákvæm rannsókn færi fram á "LEKANUM" og sá/þeir sem bæru ábyrgð yrðu látin svara til saka.

11. Hvað er það þá sem Jón Ásgeir er að fara fram á að verði rannsakað innan bankans?”

12.  Hvernig stendur á að Birna er hér að ganga erinda Jóns Ásgeirs? Er þessi kona í vinnu hjá honum?

13.  Er þá ekki á hreinu miðað við yfirlýsingar þessara þriggja og núna stjórnarformanns STÍMS að aldrei var um neinn leka að ræða?

14.  Af hverju fer fram nákvæm leit í bankanum af þeim sem lak/láku ef enginn var lekinn, eins og þau þrjú fullyrtu strax með að ekki væri fótur fyrir neinu í greininni?

15.  Halda þessir aðilar sem standa að þessu STÍM máli að fólk er fíf?

Kv,  joð

[Bjarni Þór Guðmundsson, 29.11.2008 kl. 18:56]

Var ekki FL Group nánast farinn á hausinn þegar þessir gjörningar eru gerðir?

[Guðbjörn Guðbjörnsson, 29.11.2008 kl. 19:08]

Já, það er mikilvægt að kafa ofan í þetta mál.

Hins vegar gef ég ekki mikið fyrir yfirlýsingar þessa manns. Einnig er ósvarað hvernig bankinn gat lánað þessum aðilum 20 milljarða án nokkurra trygginga annarra en veði í hlutafé félagsins, sem var víst að uppistöðu hlutabréf í Glitni sjálfum (32,5%) og svo einhverra einstaklinga, sem enga ábyrgð bera á einu né neinu!

Þetta er auðvitað hálfgert rugl og staðfestir enn og aftur hvað var í gangi hér undanfarin ár!

[Predikarinn - Cacoethes scribendi , 30.11.2008 kl. 01:35]

Sæll kæri Stefán.  Mér finnst nú allt eins líklegt að tíminn sem leið frá því Agnes skrifaði fréttaskýringuna um málið hafa verið nýttur til að finna mannskap í að "fronta" í félaginu. Það er ekki líklegt að Agnes hafi farið fram með fréttaskýringuna án þess að hafa heimildir fyrir þessu.

Það er langt um liðið og dularfullt og frekar "convenient" að þessir menn komi skyndilega fram sem eigendur. Væri gaman að sjá skattframtal þeirra til samanburðar við skráða hlutabréfaeign.