Öll gögn upp á borðið sem allra fyrst

Ekki kemur annað til greina en öll gögn sem tengjast bankahruninu verði lögð fram og farið yfir allt málið í samhengi. Auðvitað á það ekki að vera valkostur að einhver gögn verði undanskilin og ekki tekin með í rannsókninni. Almenningur mun ekki taka rannsóknina gilda eða viðurkenna niðurstöðuna nema kafað verði ofan í allt í þessu máli. Ef skilanefndirnar geta ekki virt að skattrannsóknarstjóri fái aðgang að þeim eiga þær skilyrðislaust að víkja.

Nóg er komið af leyndarhjúp í þessu máli og forgangskrafa að allt verði gert upp og enginn vottur af leynd sé til staðar. Fólk hefur fengið nóg af þessu laumuspili.

Fær ekki gögn um dótturfélög bankanna í Lúxemborg

Athugasemdir

[Davíð Pálsson (IP-tala skráð) 9.12.2008 kl. 15:10]

Stjórnmálamenn, t.d. Þorgerður Katrín og fleiri segja að nú eigi allt að vera uppi á borðum, gagnsætt og opið. Þetta hlýtur þá að stangast á við allt sem Persónuvernd hefur barist fyrir, því Persónuvernd segir að allt eigi að vera lokað og leynilegt. Persónuvernd með öllum sínum bönnum gerir þjóðfélagið sífellt meira lokað og ógagnsærra.

[Heimir (IP-tala skráð) 9.12.2008 kl. 15:25]

Það má bara vera bankaræningi þegar maður hefur stolið peningum í gegnum bankakerfið. Þá er maður lögverndaður af öllu hinu siðleysispakkinu. Ránið verður að koma innan frá banknum til að vera löglegt og framið af mönnum í jakkafötum, svokölluðum hvítflibbaglæpamönnum. Annarskonar bankarán, þ.e.a.s. þar sem menn æða inn grímuklæddir með byssur, þau eru ólögleg.

[H.T. Bjarnason (IP-tala skráð) 9.12.2008 kl. 19:37]

Ég bara spyr, dettur þér virkilega í hug að þessi rannsóknarnefnd mun komast að einhverjum sannleika?  Dettur þér í hug að fjárglæframenn, embættismenn og stjórnmálamenn muni sæta einhverja ábyrgð?  Það mun akkúrat ekkert breytast, nema eitt og það er að lífskjör vinnandi fólks í þessu landi mun versna til muna.