Í minningu Halldóru Eldjárn

Við andlát Halldóru Eldjárn minnist þjóðin hinnar hæglátu en glæsilegu konu á forsetavakt hins ópólitíska forseta á pólitískum umbrotatímum í sögu þjóðarinnar. Halldóra og Kristján Eldjárn voru táknmynd alþýðleika og virðingar þau tólf ár sem þau bjuggu á Bessastöðum. Að mínu mati var Kristján besti forsetinn í lýðveldissögunni. Þau hjónin áunnu sér velvild og virðingu landsmanna með framgöngu sinni og framkomu.

Þau voru forsetahjón fólksins, honum auðnaðist alla tíð að tryggja samstöðu landsmanna um verk sín og naut virðingar allra landsmanna, þrátt fyrir að vera forseti á umbrotatímum í þjóðmálum og á vettvangi stjórnmála, þegar hin pólitíska forysta landsins var í raun í lamasessi og hann þurfti stundum að taka erfiðar ákvarðanir. Honum tókst að skapa trúverðugleika um verk sín og halda styrk embættisins á þeim árum.

Halldóra lék lykilhlutverk í forsetatíð Kristjáns; ekki aðeins sem konan við hlið forsetans heldur og mun frekar sem hin glæsilega húsfreyja á Bessastöðum. Þau voru táknmynd alþýðleika. Deilt var um það í kosningabaráttunni 1968 að Kristján væri litlaus og kona hans hefði sést í fatnaði frá Hagkaupsverslunum, svokölluðum Hagkaupssloppi. Lægra þótti háttsettum ekki hægt að komast en að sjást í slíkum alþýðufatnaði.

En Kristjáni og Halldóru auðnaðist að tryggja samstöðu um embættið og eru metin með þeim hætti í sögubókunum, nú löngu eftir að hann lét af embætti.

Alþingi minntist Halldóru Eldjárn

Athugasemdir

[Baldur Hermannsson, 22.12.2008 kl. 22:11]

Ég set undirskrift mína hér....

[Halldór Eldjárn (IP-tala skráð) 23.12.2008 kl. 01:16]

Þakka þér fyrir gott blogg, Stefán.

[Sigurlín G. Stefánsdóttir (IP-tala skráð) 23.12.2008 kl. 02:22]

Sæll Stebbi minn og til hamingju með daginn (22. des). Fínar greinar og ég læt hér fylgja 1 vísu af þremur sem þú fékkst frá okkur í kortinu:

Fall Kapítalismans                                    

Núna fálkinn ber sín bein,

bægslast eins og hæna.

Lausnin hún er aðeins ein,

inn í vinstri græna.

                                                                           SkÁ

hehe jólakveðjur frá Línu systur og Skarphéðni

[Halla (IP-tala skráð) 23.12.2008 kl. 10:16]

Falleg kveðja til góðrar konu og forsetafrúar sem við minnumst með virðingu og þakklæti.