Frábært skaup - var það nógu beitt fyrir 2008?

Ég er mjög ánægður með áramótaskaupið að þessu sinni. Finnst þetta besta skaupið frá því Spaugstofan sá um skaupið 2004. Auðvitað hefði það alveg mátt vera beittara og öflugra en mörg atriðin voru alveg stórfengleg. Þetta var mjög stórt ár, fullt af stóratburðum sem tókst vel að gera skil. Stærstu mál ársins; bankahrunið og borgarmálin fengu fínan sess.

Stóra stjarnan í skaupinu var að ég tel Ilmur Kristjánsdóttir og svo áttu þeir Gói og Jói ansi fína innkomu. Kjartan Guðjónsson átti svo geðveikislegan leik í hlutverki 200 daga borgarstjórans. Þvílíkt augnaráð. Kjartan reyndi að leika Davíð Oddsson en það var frekar flatt. Ég held að það sé löngu sannað að enginn nema Örn Árnason getur náð honum.

Leikþátturinn með ávarpi forsætisráðherrans og eftiráskýringum Þorgerðar Katrínar var meistaralega flottur. Í heildina var ég mjög sáttur. Lokalagið var skemmtilega ABBA-skotið en líka svo flott yfirferð yfir árið í nokkrum línum.

Ég hef oft á síðustu árum verið ósáttur við skaupið og jafnvel viljað leggja það niður. En þegar koma virkilega góð skaup er tilvist þeirra réttlætanleg og vel það. Vonandi fáum við annað af svipuðum kalíber að ári.

Athugasemdir

[Baldur Hermannsson, 2.1.2009 kl. 00:38]

Fullkominn sigur fyrir kvenþjóðina........

[Eiður Svanberg Guðnason, 2.1.2009 kl. 08:47]

Margt gott um Skaupið í ár.Aldrei verður þar  gjört  svo öllum líki.  Oft verið verra , stundum betra. Sennilega hefur þátturinn Gott kvöld  verði endanlega  jarðsettur í  Skaupinu og  harma það líklega fæstir. Eða  eins og þar var sagt í síbylju : "Frábært!"

[Erna Friðriksdóttir, 2.1.2009 kl. 10:27]

JÁ SÆLL !!!!!!!!!     Ég var svo svekkt með skaupið , fanst það ömurlegt nema auðvitað nokkur atriði......... hef  örsjaldan séð eins lélegt fyrir minn smekk :(    Jón Gnarr var góður fanst mér   jú og Ilmur er hún söng    la la la la la ævintýrin enn gerast   en sem Gísli Marteinn var hún  :(   Abba útgáfan var þokkanleg í lokin og fanst mér  jú þokkanlegt með Þorgeði Katrínu leikurinn  og stundum með Geir H..........          en svona öfum við skiptar skoðanir

[Björgvin R. Leifsson, 2.1.2009 kl. 17:45]

Það eina, sem ég skildi ekki við skaupið er hvers kratar eiga að gjalda - nánast ekkert skotið á þá.

[Kristján P. Gudmundsson, 2.1.2009 kl. 19:14]

Já, það hlýtur að vera umhugsunarefni fyrir kratana, hvers vegna þeir voru svo lítið í sviðsljósinu.

Það var Jón Baldvin Hannibalsson, sem eignaði sér heiðurinn af inngöngu okkar í EES, er hann var utanríkisráðherra í 1.stjórn Davíðs Oddssonar (Viðreisn II). Frú Ingibjörg Sólrún Gísladóttir (ISG) er

núverandi arftaki JBH og hennar hlutur í áramótaskaupinu var afar rýr, nánast enginn. Þetta er manni áhyggjuefni, því að allir flokkar vilja koma að þessum ágæta skemmtiþætti í árslok, jafnvel þótt í neikvæði tilefni sé ?

Með kveðju frá Siglufirði, KPG.

[Bjarki Hilmarsson (IP-tala skráð) 2.1.2009 kl. 20:38]

Þetta skaup var BARA leiðinlegt, sérstaklega var upptökuhláturinn pirrandi.  Ég hló allavega oftar yfir frétta annál stöðvar2 en þessu drasli.