Bitlaus mótmæli marineruð í rauðri málningu

Mótmælin við utanríkisráðuneytið virðast hvorki hafa verið fjölmenn eða markviss. Kannski finnst einhverjum það samt táknrænt eða merkilegt að sletta rauðum lit á vinnustað formanns Samfylkingarinnar eða merkilegt. Má vera. Þetta eru greinilega grímumótmæli, í takt við þau sem eru að komast í tísku núna að því er virðist vera. Eigi þetta að teljast mótmæli gegn ástandinu við Palestínu geta þau varla talist sterk miðað við hversu heitar skoðanir eru á stöðunni þar.

Mjög mikið er talað um grímumótmælin og þá sem velja að tjá sig án þess að standa við skoðanir sínar. Sama hversu mikið þeir reyna að bera á móti því verður alltaf litið öðruvísi á tjáninguna þegar hún er nafnlaus en þegar fólk stendur með skoðunum sínum. Greinilegt er líka að þær stinga í stúf við það sem Hörður predikar. Þessi mótmæli án Harðar sýna vel að mótmælendur eru ekki sammála um aðferðir.

Hvað varðar þessi mótmæli skil ég þau ekki enda hafa ráðamenn hér fordæmt bæði Ísraelsríki og Hamas. Húsráðandi í utanríkisráðuneytinu hefur sérstaklega verið framarlega í flokki þar.

Málningu slett á ráðuneyti

Athugasemdir

[Steinar Arason Ólafsson (IP-tala skráð) 9.1.2009 kl. 17:53]

Ég held að fólk ætti að vera svolítið meðvitað um hvað er að gerast á Gazasvæðinu. Líttu á myndirnar á síðunni minni. Ekki falleg sjón.

Kveðja Steinar Arason

[Björn Gísli Gylfason, 9.1.2009 kl. 17:58]

Þeir sem þarna voru að verki eru hugsanlega að fordæma aumingjaskapinn í íslenskum ráðamönnum sem tuldra í hálfkveðnum vísum ofan í bringuna á sér í staðinn fyrir að hlusta á eigin þjóð og sína manndóm í sér og slíta stjórnmálasambandi við þetta hryðjuverkaríki sem Ísrael er.

[Einar Jón, 10.1.2009 kl. 05:20]

Það virðist vera margt sem þú ekki skilur. Í fréttinni stóð skýrum stöfum: Þar hafði verið boðað til mótmæla til að þrýsta á ríkisstjórnina að slíta formlega pólitísku samstarfi við Ísraelsríki.

Það að fordæma eina aðgerð er algjörlega bitlaust - og verður gleymt eftir viku. Að slíta stjórnmálasambandi er varanlegt hefur hugsanlega einhverja vikt.

Og ef það eru lögreglumenn að taka myndir af mómælendum og skrá þá samviskulega, þá finnst mér vera skylda hvers mótmælanda að láta þá vinna fyrir kaupinu sínu.