Björn Bjarnason hættir sem ráðherra

Björn Bjarnason hefur nú staðfest að hann er á útleið af ráðherrastóli og þetta sé síðasta kjörtímabil hans í stjórnmálum. Ég tel að eftirsjá verði af Birni. Hann hefur vissulega verið mjög umdeildur, enda alltaf tjáð skoðanir sínar óhikað og ekki verið í neinum vinsældaleik með stöðu sína, heldur látið verkin tala og farið sínar leiðir en ekki annarra. Slíkt ber að virða á þeim tímum þegar hugsjónalaust fólk verður sífellt meira áberandi í pólitík.

Björn hefur líka verið þekktur fyrir vinnusemi sína og heiðarleika. Vefsíða hans er eitt traustasta merki þeirrar vinnusemi, en hann ólíkt mjög mörgum stjórnmálamönnum hefur haldið úti vef af elju og ástríðu allt frá fyrsta degi á meðan að flestir aðrir hafa koðnað niður að loknum kosningum og hætt að skrifa. Ég held að sagan muni dæma vefsíðu Björns bestu íslensku stjórnmálavefsíðuna, enda dekkar hún langan og merkan feril og tíma í íslenskri sögu.

Björn hefur verið í stjórnmálum af lífi og sál eins og verk hans og netskrif sýna vel. Það hefur mátt treysta því að hann hafi skoðanir og láti í sér heyra um hitamál samfélagsins, á meðan að margir aðrir ráðherrar eru mun minna áberandi.

Fullyrt að Björn hætti eftir landsfund

Athugasemdir

[hilmar jónsson, 10.1.2009 kl. 14:08]

Einstrengingsháttur hroki og stjórnarhættir líkt og Björn praktiseraði m.a. í málum lögreglustjórans á Suðurnesjum, hervæðingarstefna hanns innan lögreglunnar. Nei ég held að enginn sakni þess.

[Ingvar Ragnarss. (IP-tala skráð) 10.1.2009 kl. 14:36]

Ja hérna - þessi maður hefði átt að vera löngu búinn að segja af sér.  Því miður þótt ljótt sé að segja það að ef hann hefði fæðst og verið uppi á öðrum tíma í öðru landi þá hefði ég séð hann fyrir mér í fasistabúningi með nóg af medalíum.

 Þetta er með hrokafyllstu mönnum sem ég hef séð og það sem hefur komið út úr honum hefur alltaf verið klárlega stórmennskubrjálæði og veruleikafirrining.

Að hafa ætlað að nánast hervæða Ísland og tindátaleikur hans sýnir að hann hefði frekar átt að vera í einhverju góðu einræðisríki.  

Leiðindi við undirmenn sína sem hafa sýnt einskæran dugnað og árangur og síðan hvernig manni finnst Lögreglan á Íslandi hafa verið smátt og smátt brotin niður - einu skiptin sem maður sér lögreglumann-bíl er þegar mótmæli eru í gangi.   

En nægir peningar eru alltaf til í gæluverkefni og áhugamál Björns Bjarnasonar.  Ég hef fylgst bæði með ferli og heimasíðu hans í gegnum tíðina og alltaf hefur mér blöskrað einstrengishátturinn, hrokinn og hvað hann er ekki í takt við almenning í landinu - eins og má segja um marga af hans flokksbræðrum.

 Sjálfur er ég óflokksbundinn og hef nokkrum sinnum kosið Sjálfstæðisflokkinn en ávallt strikað yfir nafn Björns og nokkurra annarra Sjálfstæðismanna sem mér hefur fundist gefa tilefni til þess að fá óbragð í munninn.

Farið hefur fé betra segi ég og er viss um að meginþorri landsmanna er mér sammála.

[Palli (IP-tala skráð) 10.1.2009 kl. 20:57]

Þessi ákvörðun veikir ríkistjórnina. Mikil eftisjá í Birni.

[Haraldur Haraldsson, 11.1.2009 kl. 00:01]

Sammála þessu Stefán Friðrik,samt hefur Björn alla tíð verið mjög svo umdeildur!!!,dugnaðar og afkastamaður mikill,En það er komin tími fyrir hann að gefa öðrum eftir sætið/Halli gamli

[Óðinn Þórisson, 11.1.2009 kl. 10:18]

Hann sagði það sjálfur að hann yrði ekki ráðherra út kjörtímabilið.
Jú auðvitað veikir þetta ríkisstjórnina en ef Bjarni Ben. kemur inn í hans stað er það afar jákvætt. Að mínu mati framtíðarleiðtogi flokksins.