Hættulegt fikt

Þeir mega teljast heppnir strákarnir í Grindavík að ekki fór verr. Samt er það alltaf ömurlegt að heyra fréttir af því í flugeldasölutíðinni að ungmenni fikta með flugelda og setja sig í mikla hættu, gera sér oft ekki grein fyrir henni og velta ekki fyrir sér áhættuhliðum þess að fikta. Þrátt fyrir allt kynningarstarfið við að tala um þessa hættu gerast slysin og oft eru þau mjög alvarleg og geta sett mark á þann sem verður fyrir alla tíð.

Ég veit af nokkrum dæmum þess þar sem slíkt fikt hefur leitt til sjónmissis og álíka alvarlegra áverka. Alveg ömurlegt að sjá ungt fólk leika sér að slíku og taka áhættuna og þurfa að sjá eftir því alla tíð.

Voru að útbúa heimatilbúna sprengju

Athugasemdir

[eyjaskeggi (IP-tala skráð) 17.1.2009 kl. 07:45]

Þegar ég sá titilinn hjá þér hélt ég að þú værir að fjalla um það sem var samþykkt á fundi framsóknarflokksins, þe að Ísland gangi til viðræðna við evrópusambandið um hugsanlega aðild. Já þeir voru mikið heppnir bræðurnir að sleppa svona með skrekkinn.

[Margret S (IP-tala skráð) 17.1.2009 kl. 12:27]

Almenningur hefur ekkert með skotelda að gera. Fyrr en síðar verður ekki heimilt að selja þetta dót, Hér verður ekkert lát á sölunni fyrr en það verður eldsvoði á nokkrum stöðum á sama tíma,þá fyrst verður rætt um bann við sölu.