Hafa mótmælin verið yfirtekin af skríl?

Held að mótmælin séu að fara yfir öll mörk. Þetta er orðið einum of og minnir einna helst á skrílslæti. Sé að sumir hafa hér eftir miðnættið velt fyrir sér hvort mótmælin hafi verið yfirtekin af skríl og óróaseggjum sem eru í því að eyðileggja fyrir öðrum og koma óorði á þá sem hafa verið að tjá sig málefnalega. Ráðist hefur verið að lögreglunni og gengið of langt. Þetta er einum of, og engum til sóma.

En kannski er þetta fólk einmitt að óska eftir óeirðum og því að gengið verði lengra gegn þeim. Mér finnst ekkert annað blasa við, sé mið tekið af því að hjóla beint í lögregluna. Hreint skemmdarverk og ofbeldi er mótmælendum ekki til sóma.

Mótmælendur við Stjórnarráðið

Athugasemdir

[Óskar Örn Arnarson (IP-tala skráð) 22.1.2009 kl. 02:59]

Vissulega er ofbeldi ekki mótmælendum til sóma. En það sem er enn síður mótmælendum til sóma, er að hanga heima og bora í nefið. Það eru allir sammála um það að ríkisstjórnin hafi rústað landi og þjóð. Það eru því allir mótmælendur inn við beinið. Það var mjög stór hópur fólks í bænum í dag og kvöld en þetta mætti vera 10 sinnum fleiri

Ríkisstjórnin hefur fyrir löngu farið yfir strikið. Og lögreglan hefur ekki staðið sig vel í gær né dag. Lang lang LANGflestir á þessum mótmælum voru þarna komnir til þess að mótmæla friðsamlega og láta í sér heyra. En í huga lögreglunnar skipti slíkt ekki máli. Piparúðanum var spreyjað í allar áttir. Að ógleymdu táragasinu, sem var beitt tvisvar. Ég var sem betur fer ekki í fremstu víglínunni en ég fékk minn skammt af hvoru tveggja og það var mjög sárt. Það voru engar viðvaranir gefnar, a.m.k. engar sem heyrðust. Lögreglan hefur í dag sýnt mikla snilld í að espa upp mótmælendur og gera þá aggressívari. Ef það var tilgangurinn á hún mikið hrós skilið. 

En hvort sem þú ert friðsamlegur eða ófriðsamlegur mótmælandi, þá er það nákvæmlega 100% betra heldur en að vera hvorugt og láta sig málið ekki varða. Skríllinn er ríkisstjórnin, skríllinn er þeir sem hanga heima með krosslagðar hendur. 

Af því að þú minntist á táragasið í annarri færslu.... Ef að einstaklingur tekur upp á því að henda hellu í lögreglumann, þá er það ekki valid ástæða til þess að spreyja táragasi á nokkur þúsund manns. Þetta var með öllu óréttlátt og fáránlegt.

[Óskar Örn Arnarson (IP-tala skráð) 22.1.2009 kl. 03:02]

P.S. Þetta beindist þó ekki sérstaklega að þér.. Enda veit ég ekkert hvort þú hafir borið mótmælin með eigin augun. Ég er bara búinn að fá mig fullsaddan af því hversu miklar áhyggjur fólk hefur af skemmdarverkum örfárra mótmælenda þegar það er ekki einu sinni sambærilegt við það sem ríkisstjórnin hefur gert.

[Þór Jóhannesson, 22.1.2009 kl. 03:07]

Skrílslæti í skrílræði.

[óskar holm (IP-tala skráð) 22.1.2009 kl. 03:15]

sammála. þetta er löngu orðið ljótt og fer versnandi.

ég er fylgjandi því að fólk mótmæli því sem það misbýður. en þá á ég við að fólk hefji upp raust sína og tjái andstöðu.

ég hef enga samkennd með þeim sem ekki nægir að koma sínum skilaboðum á framfæri með hrópum, köllum, söng og skiltum, heldur verða að beita ofbeldi, frekju og skemmdarverkum.

--

óskar

[Jón Grétar Þórsson (IP-tala skráð) 22.1.2009 kl. 04:51]

Ég er sammála. Ég hvet fólk til að mótmæla á friðsamleggamáta þótt ég sé ekki sammála því. En að ráðast á lögregluna finnst mér fyrir neðan allar hellur. Hugur minn er með lögreglumönnum og fjölskyldum þeirra. Ég vona að fólk láti í sér heyra að laganaverið eru ekki einir þarna úti heldur eiga þeir hug okkar og hjörtu.

ÁFRAM ÍSLAND

Jón Grétar

[egvania, 22.1.2009 kl. 04:51]

Mótmælendur eru eitt og skríll annað.

Friðsamleg mótmæli, pottlok og annað sem gefur frá sér óhljóð eru hið besta mál en þegar komið er út í skrílslæti þá er málið orðið alvarlegra og skemmir fyrir fólki sem mótmælir á friðsamlegum nótum.

Ásgerður Einarsdóttir

[Jón Rúnar Ipsen, 22.1.2009 kl. 06:39]

sammála þér

[Elías Þórsson (IP-tala skráð) 22.1.2009 kl. 08:17]

Stebbi þú hefur fundið eitthvað að mótmælunum í allan vetur. Hvernig væri að kenna orsökinni um ekki afleiðingunum.

[Greppur Torfason (IP-tala skráð) 22.1.2009 kl. 09:16]

Hvernig væri að standa upp frá tölvunni, taka strætó, mæta á mótmælin og tala við fólk sem er að láta sársauka sinn og reiði bitna á dauðum hlutum í miðbænum?

Hvar er þín ábyrgð? Að velta vöngum endalaust framan við tölvuskjá?

Hvernig væri að taka virkan þátt í að benda fólki á að mótmælendur eiga aðeins sökótt við sitjandi valdhafa?

Það vantar fleiri slíka, fólk sem sefar hina örlítið sem eru að missa sig, og minna þá á hvert hið raunverulega takmark er.

Hvernig væri að fleiri málefnalegir og eflaust "vel gefnir" menn hífðu sig upp af rassinum og tækju þátt í mótmælunum frekar en að dæma úr fjarlægð af fréttamatreiddum upplýsingum eingöngu?

Drífðu þig nú, og kipptu myndavélinni með þér Stefán.

[Dunni, 22.1.2009 kl. 10:07]

Þú veist að í öllum bekkjum finnst einhver sem haldin er einhverjum óróa.  Þekki það af eigin reynslu.   Það þýðir þó ekki að bekkurinn minn hafi verið óuppdreginn skríll þó einum kennara okkar hafi misst það út úr sér.

Mér finnst bæði mótmælendur og lögregla standa sig vel þegar á heildina er litið. Reyndar held ég að lögreglan hefði getað sleppt táragasinu og talað við líðinn í staðinn og boðið upp á samstarf.  Við sáum að það gekk vel í nótt þegar mótmælendur vörðu lögregluna fyrir ágangi óróaseggjanna.

Nú þegar ríkistjórnin leggur upp laupana um helgina róast hinir órólegu og verða vnandi fyrirmyndar borgarar aftur.

[Tómas Ingi Adolfsson, 22.1.2009 kl. 10:25]

Ég vona að sem flestir mæti á öll mótmæli og láti svona atvik ekki á sig fá. Þeir sem réðust mest að lögreglunni voru unglingsstrákar sem voru frekar að sýna sig heldur en að mótmæla. Ég tengi grjótkast á engan hátt við mótmæli og vil ekki kalla þá mótmælendur sem grýta lögregluna. En við þurfum á fjölmenni að halda til þess að athyglin beinist ekki að þeim fáu sem láta illa heldur að fjöldanum sem hefur sameinast í mótmælunum.

[Birgitta Jónsdóttir, 22.1.2009 kl. 10:32]

Auðvitað ekki. Mikill meirihluti þeirra sem mættu á mótmælin voru ekki með neitt ofbeldi - þarna voru jú mótmæli allan daginn og fólk gleymir gjarnan því sem vel fer. Hellingur af löggum og mómælendum áttu í jákvæðum orðræðum - fólk sló varnarskyldi um lögguna og ég trúi því bara ekki upp á fólk að nota núna tækifærið til að horfa fram hjá þeirri staðreynd að við sitjum uppi með vanhæfa ríkisstjórn sem kalla má skríl sem hefur tekið yfir alþingi og hefur ollið þjóðinni meiri skaða en allur skríllinn þar fyrir utan gæti nokkru sinni valdið.

[Vilhjálmur Örn Vilhjálmsson, 22.1.2009 kl. 12:05]

Þekkir þú betri orð til að lýsa þessu?

Hann (skríllinn) heimtar Steingrím J. yfir sig um leið og hann vill fá "peningana sína" og góða lífið aftur. Ruglaður skríll, væri kannski nærri lagi? Steingrímur vill skila lánum til IMF og skríllinn hans vill lifa í allsnægtum eins og áður.