Telja dómstólar flengingar farsæla uppeldisaðferð?

Mér finnst það mjög sérstakt að dómstólar telji flengingu vera eðlilega og farsæla uppeldisaðferð. Í öllum siðmenntuðum samfélögum hljóta að vera betri leið til að ala upp börnin sín en beita þau ofbeldi eða flengja þau. Ég hef alltaf litið svo á að flenging sé lágkúra og geri börn beisk og reið frekar en þau verði betri einstaklingar fyrir vikið. Þetta á að vera hluti af fortíðinni.

Mér finnst reyndar mjög sérstakt að þessi maður er haldinn bdsm-órum. Fær fólk útrás fyrir það eðli sitt með því að flengja börn sambýlisfólks þess? Mér finnst þetta mjög sjúkt.

Mátti flengja drengi kærustu sinnar

Athugasemdir

[Ólöf (IP-tala skráð) 22.1.2009 kl. 17:43]

hehe pabbi var oft flengdur í æsku og hann gengur enn heill til skógar, telur ekki að hann hafi verið sættur ofbeldi. En hvað varðar BDSM óra þessa manns skal ég ekki segja. En það viðkemur þá ekki flengingum að mínu mati. Var þetta ekki vinsælt allavega hér áður fyrr að flengja óþæga krakka?

[itg (IP-tala skráð) 22.1.2009 kl. 18:24]

Já þetta er skrýtin dómur Stefán.  Maður skilur þetta ekki.  Voru þeir ekki 4 og 6 ára???

[oskar holm (IP-tala skráð) 23.1.2009 kl. 06:31]

það skiptir ekki máli hvort þeim finnist það farsæl uppeldisaðferð eða ekki. dómstólar áttu að komast að því hvort lög hefðu verið brotin eða ekki.

en þetta er samt skrýtin niðurstaða, málið hljómar allt furðulega.

--

óskar