Prófkjörsframboð auglýst á stuðningsvef Geirs

Langt er síðan að mér var jafn misboðið og þegar mér barst auglýsing á prófkjörsframbjóðandanum Guðlaugi Þór Þórðarsyni af stuðningsvef Geirs H. Haarde á facebook. Ég gekk í þann félagsskap daginn sem Geir tilkynnti um alvarleg veikindi sín og endalok stjórnmálaferilsins, fyrst og fremst til stuðnings persónunni Geir, sem er mikill heiðursmaður í hvívetna, og til að þakka honum allt hið góða sem hann hefur gert fyrir Sjálfstæðisflokkinn í gegnum árin.

Misnotkun á þessum hóp til auglýsinga fyrir prófkjörsframbjóðanda er of langt gengið. Um leið og ég sá þetta sagði ég mig úr þessum félagsskap og ætla ekki að skrá mig á þennan lista aftur. Þarna gengu stuðningsmenn Geirs H. Haarde og Guðlaugs Þórs Þórðarsonar of langt að mínu mati - þetta er þeim til háborinnar skammar.

Athugasemdir

[Heimir Lárusson Fjeldsted, 27.2.2009 kl. 18:46]

Nú þurfa menn að fara varlega sem aldrei fyrr.

[Friðrik Hansen Guðmundsson, 27.2.2009 kl. 19:02]

Það var hringt í mig í gær frá kosningaskrifstofu Guðlaugs Þórs Þórðarsonar og óskað eftir stuðningi við hann í komandi prófkjöri.  Ég tjáði þessari ágætu stúlku sem hringdi að ég ætlaði að vinna öllum Sjálfstæðismönnum í landinu heilt og ekki  kjósa neinn af fyrrum ráðherrum flokksins til áframhaldandi trúnaðarstarfa, hvorki í komandi prófkjöri eða á Landsfundi.

Staðan væri bara þannig að það yrði að kalla nýtt fólk til starfa ætlaði Sjálfstæðisflokkurinn sér einhverja hluti í komandi kosningum. Nota á komandi Landsfund til að kveðja núverandi forystufólk. 

[Benedikta E, 27.2.2009 kl. 19:35]

Algjörlega sammála þér Stefán Friðrik - Guðlaugur vinnur ekki atkvæði á svona vinnubrögðum.

[Kolbrún Stefánsdóttir, 27.2.2009 kl. 19:59]

Það held ég að þú yrðir frambærilegur frambjóðandi Friðrik. Ertu eða varstu ekki í forsvari fyrir Grafarvogsíbúasamtökin. Annars er ágætt fyrir pólitíska andstæðinga að þessir sömu séu í framboði aftur. Hlýtur að gefa þeim  meiri séns. Sammála þér Stefán þetta er full langt gegnið. Kveðja Kolla.

[Gísli Baldvinsson (IP-tala skráð) 27.2.2009 kl. 21:26]

Illugi Gunnarsson talar um mykjudreifara. Er þetta svona í Valhöll?

[Heimir Lárusson Fjeldsted, 28.2.2009 kl. 05:03]

Mykjudreifararnir eru komnir í Skólabrú Gísli. Afsakaðu talsmátann.

[Kolbrún Stefánsdóttir, 28.2.2009 kl. 13:05]

Eru ekki allsstaðar mykjudreifarar.  kveðja Kolla.