Harkalegt uppgjör á stöðu Íslands

Glöggt er gests augað var forðum sagt. Datt þessi forni málsháttur í hug þegar ég las umfjöllun Vanity Fair um málefni Íslands. Vel að merkja er þetta harkalegt uppgjör - Ísland er hakkað í spað í skrifunum og talað bæði illa um okkur, bæði verðskuldað og óverðskuldað svosem. Við erum á einni nóttu orðin skólabókardæmi um hvernig græðgin og sukkið bar eina þjóð ofurliði og við blinduðumst öll af blindri aðdáun á þeim mönnum sem sigldu þjóðinni í strand. Þarna er hjarðhegðun okkar Íslendinga dregin sundur og saman í miskunnarlausu háði.

Höfum við kallað þetta yfir okkur sjálf? Vissulega höfum við gert það að mörgu leyti. Við létum spádóma erlendra sérfræðinga sem vind um eyrun þjóta og neituðum að horfast í augu við yfirvofandi vanda og efnahagslegt óveður sem var á leiðinni. Margir féllu með vísakortið í hendi og sumir eru enn að reyna að standa í lappirnar við að bjarga sér frá hruninu. Við lærðum vonandi okkar lexíu, stóra niðurstaðan er sú að við verðum að vera vakandi fyrir vandanum og vera raunsæ í hverju því sem gert er.

Raunsæi og veruleikaskyn tapaðist á síðustu árum. Mestöll þjóðin var með glampann í augunum fyrir þeim sem skuldsettu okkur upp í rjáfur og fyrst núna virðumst við vera að vakna upp við hversu illa var unnið. Myndin um Enron ætti að vera sýnd reglulega til að vekja þá sem enn trúa því að útrásarvíkingarnir hafi verið snjallir og skynsamir menn.

Eitt finnst mér þó vanta á þessum tímum. Okkur vantar sterka leiðtoga sem talar við fólkið í landinu, talar kjark og kraft í það við þessar erfiðu aðstæður. Enginn slíkur er á sviðinu núna. Ég held að fólkið í landinu sé ráðvillt því enginn talar til þeirra í lausnum og markmiðum. Við erum í mikilli þoku, ekki aðeins efnahagslega heldur pólitískt.

Staðan er kannski ekki þannig að allir hafi framtíðarsýn til langs tíma. En það er mikilvægt að þeir stjórnmálamenn sem vilja vera ábyrgir og traustir tali í lausnum og skapi framtíðarsýn, ef það sé ósátt við stöðu þjóðarinnar komið með einhvern vegvísi til framtíðar.

Wall Street á túndrunni

Athugasemdir

[Bjarni Kjartansson, 3.3.2009 kl. 14:43]

Ég varaði við öllum þessum kerfum.

Reif kjaft oní rass á öllum Landsfundum frá setningu Ólafslaga.

Benti á, að Kvótinn væri bara æfingabúðir í svindli og svínaríi, allt það hefur nú komið í ljós.

Næli hér við svar af bloggi mínu:

3.3.2009 | 12:11

Hver biðst afsökunar?

Mig langar að setja hingað inn, svar sem ég setti á blogg Gunanrs Axels Axelssonar.

Þar fer hann fram á frekari afsökunarbeiðnir frá íhaldinu.

Hér er pistillinn:

Sumt sem þú hér setur fram er réttmætt og satt.

Við sem vöruðum við þeim stórfelldu hættuspilum, sem fram fóru allt frá setningu Ólafslaga hér í denn, að ekki sé talað um Kvótalögin og inngöngu í EES bullið, náðum EKKI  markmiði okkar, sem var að sníða ísl. þjóðfélag að gömlum gildum heiðarleikans.

Það voru svo margir ,,faglegir" bullukollar á leið okkar.

1.  Gylfi Þ ásamt og með Jóhannesi Norðdal, suðu saman bull og vitleysu, sem auðvitað gat ekki staðist í lifandi hagkerfi, sem var að vaxa, --Verðtryggingar hugmyndir.

2. Kvótakerfið gat heldur ekkert orðið annað en uppeldissvæði og æfingabúðir í falsi lygi og svindli.  Samt voru það ,,mætir menn" í stétt Hagfræðinga og allskonar ,,faglegir" gaurar, sem suðu þetta bull saman og helltu yfir þjóðina.

3.  EES samningurinn GAT ekki gegnið fyrir okkur, til þess vorum við of fámenn og með of mikið af náttúruauðlindum og velsæld, sem var eftirsóknarverð í augum umheimsins, sést best á sprengingu í innflutningi fólks.  Við gátum ekki opnað okkar kerfi eins og við gerðum án stóráfalla.

Við trúðum að men væru heiðarlegir en þar gleymdum við einni kröfunni til okkar um varkárni, því að við hefðum mátt vita, að Höfuðsyndirnar Sjö eru samar við sig, hvort sem er í Wall Street eða Kaupþingi.

Það er plagsiður á okkur, að verða Kaþólskari en Páfinn í ölu sem nýjabrum er á og hægt að halda málþing um og bulla nógu helvíti mikið um.  Þess vegna förum við á taugum, þegar menn tala um ,,með faglegum hætti" og setjum á fót allskonar ,,stofur" og hvað þetta nú allt heitir.

Við Sjálfstæðismenn HEFÐUM betur vakað lengur og verið betri við þjóð okkar í því samhengi, að koma betur í veg fyrir kratísk stórslys.

ÞAR LIGGUR SEKT OKKAR  og auðvitað að hafa ekki stoppað Gróðapunga í okkar flokki á græðgibraut þeirra.

Hinsvegar er sekt Samfylkingarinnar að viðbættu því sem að ofan er ritað um ,,Kratakerfin" er að þeir gegnu milli bols og höfuðs á DÓMSKERFINU með varðstöðu í Fjölmiðlamálinu og árásum á alla sem sóttu Baugsmál.

Það eitt og sér er næg ástæða hrunsins, því öngvir sem hefðu átt að vara við eða sækja til sakar´svindlara, ÞORÐU ÞAÐ EKKI af hræðslu við fjölmiðla og Borgarnesræður.

Miðbæjaríhaldið

verið lengi á pólitísku sviði á Íslandi þó ætíð a´bak við tjöldin.

Bjarni Kjartansson, 3.3.2009 kl. 12:05

[Tómas Ibsen Halldórsson, 3.3.2009 kl. 15:19]

Vel mælt Stefán.

Þátturinn um Enron var góður og ég get tekið undir það, að það væri okkur holt að horfa á hann einu sinna á tveggja mánaða fresti, til að minna okkur á hvernig fór fyrir okkur sjálfum.  Kannski þegar og ef einhvern tímann kemur niðurstaða í rannsóknanefndir vegna bankahrunsins verður hægt að gera samskonar mynd um aðdraganda þess.  Það gæti orðið til þess að halda okkur á tánum og vera vakandi fyrir sérhverjum óeðlilegum aðstæðum sem upp kunna að koma í framtíðinni.

Ég get einnig tekið undir það að það vantar sterkan, líflegann leiðtoga sem talar huggun, hughreystingu og kjark í þjóðina.  Það vantar einhverja aðra rödd en þá drungalegu, þungu og mæðulegu sem gerir ekkert annað en að fylla þjóðina enn meiri vonleysi og depurð.

Bestu kveðjur,