Undarleg könnun frá stuðningsmönnum GÞÞ

Kjörfundur er hafinn í prófkjöri Sjálfstæðisflokksins í Reykjavík. Þar er fjöldi góðs fólks í kjöri og ég vona að þar takist vel til að velja sigurstranglega lista. Mér finnst merkilegt að á fyrri kjördegi birti stuðningsmenn Guðlaugs Þórs Þórðarsonar skoðanakönnun sem þeir hafa gert sjálfir án atbeina óháðra aðila til að sýna fram á styrkleika síns manns. Þetta er með furðulegri könnunum sem ég hef séð mjög lengi, enda er þar hvergi hægt að sýna fram á hver gerði viðkomandi könnun eða hvort hún sé trúverðug.

Þetta er eitthvað undarlegt trix, innlegg í umræðuna, sýnist mér. Miðað við vinnubrögðin í símhringingum og fleiru sem ég hef heyrt af síðustu daga finnst mér þetta ekki vegleg viðbót fyrir þá sem harðast ganga fram í skítkasti og óhróðri. Þetta eru vinnubrögð sem eru sorgleg í prófkjörsátökum pólitískra samherja, sem eru eins og leðjuslagur. Þetta eru vinnubrögð sem mér hugnast ekki.

Ég hvet flokksmenn í Reykjavík til að kjósa Illuga Gunnarsson í fyrsta sætið!

Stuðningsmenn Guðlaugs segja hann hafa forystu

Athugasemdir

[Guðmundur St Ragnarsson, 13.3.2009 kl. 18:28]

Mikið er ég sammála þarna Stefán Friðrik. Þarna vantar frekari upplýsingar um hlutina. Menn eru farnir að nota alls kyns aðferðir til að ná fram markmiðum sínum. Sér fólk ekki í gengum svona hluti? Nú hafa flokkarnir - sjálfstæðisflokkurinn líka að mér skilst-, hvatt frambjóðendur til að stilla kostnaði sínum í hóf eins og það er orðað.Hér eru frambjóðendur farnir að kaupa einkaskoðanakönnun! Hvað ætli svona könnun kosti? Gerir flokkurinn engar athugasemdir við svona aðferðir? Kæmi mér samt ekki á óvart að þetta yrði látið óátalið!!

Þetta er sorgleg þróun í lýðræði, svo maður tali ekki um sorgleg þróun í hinu s.k. Nýja Íslandi!

Kveðja,

Muggi.