Bjarni leiðir í Kraganum - Ármann fellur af þingi

Merkileg úrslit hjá sjálfstæðismönnum í Kraganum. Nokkrir punktar standa þar upp úr.

- Bjarni fær traust og gott umboð í leiðtogastólinn. Yfirburðastaða hans er augljós í væntanlegu formannskjöri. Eina spurningin er nú hversu afdráttarlausan stuðning hann muni fá.

- Þorgerður Katrín heldur velli í forystusveitinni en tapar leiðtogastólnum til Bjarna - hann fékk 3364 en hún 1361 atkvæði. Staða hennar veikist í samræmi við það og eflaust velta flestir fyrir sér stöðu hennar sem varaformannsefnis að því loknu.

- Ragnheiður Ríkharðsdóttir vinnur mikinn persónulegan sigur með því að ná þriðja sætinu. Hún barðist fyrir því síðast en tapaði og féll niður í sjötta. Sætur sigur fyrir hana.

- Jón Gunnarsson kemur mörgum á óvart með því að halda sínu sæti og verða eini Kópavogsbúinn í öruggu þingsæti með því að fara upp fyrir Ármann Kr. Er það hvalurinn sem réð úrslitum?

- Óli Björn nær traustu sæti. Er hann ekki fyrsti Seltjarnarnesbúinn í væntanlegu þingsæti fyrir flokkinn áratugum saman? Held það. Glæsilegt hjá honum. Ánægður með að fá hann á þing.

- Rósa hefði mátt lenda ofar að mínu mati. Hefur staðið sig vel og stimplað sig inn með setu í bæjarstjórn Hafnarfjarðar.

- Ármann Kr. fær mikinn skell og lendir út af þingi. Spilaði djarft og verður undir, svipað og Ragnheiður R. síðast.

Bjarni sigraði í Suðvesturkjördæmi - Rósa náði 6. sæti

Athugasemdir

[Steinar (IP-tala skráð) 15.3.2009 kl. 10:41]

Aðdáunarvert hvernig matreiðslan á fréttunum er hjá þér þegar varaformann Sjálfstæðisflokksins ber á góma. Tapaði Þorgerður fyrsta sætinu eða vann hún annað sætið.. hún bauð sig fram í 1.-2. sæti, ekki satt. Í mínum bókum er hún þá sátt við bæði sæti.

Annað: Erum við ekki komin fram úr þeim málflutningi sem Rósa Guðbjartsdóttir hefur haldið á lofti í bæjarstjórn Hafnarfjarðar. Að finna ekki annan flöt á umræðu um fjármál bæjarins en að hnýta í framkvæmd á við Íþróttamiðstöðina á Ásvöllum - framkvæmd sem var samþykkt samhljóða á sínum tíma eftir að dregið hafði verið úr upphaflegum tillögum Sjálfstæðisflokks – þykir mér bera vott um málefnalega fátækt. Kostnaðaráætlanir standast við þessa framkvæmd. Move on! Væri t.d. ágætt að fá svör frá Rósu um það hvað hún hefði gert öðruvísi?

[Kalli Sveinss (IP-tala skráð) 15.3.2009 kl. 20:34]

Rétt hjá þér - Óli Björn hitti beint í mark !

 Fyrsti væntanlegi þingmaður Sjálfstæðisflokksins á Seltjarnarnesi frá upphafi !!

 Reyndar furðulegt, því flokkurinn á Seltjarnarnesi hefur í hálfa öld fengið frá 62% til 68% atkvæða í öllum bæjarstjórnakosningum !

 "Gamli" rauði bærinn, Neskaupstaður, fölnar í samanburði !!

 Tókst loksins,- eða sem Rómverjar sögðu.: " Gutta cavat lapidem, consumitur anulus usu" - þ.e. " Þolinmæðin þrautir vinnur allar " !!