Sorgarsaga Natöshu

Fregnin um andlát leikkonunnar Natöshu Richardson hefur snert viðkvæmar taugar áhugamanna um kvikmyndir og fræga fólkið um allan heim. Þetta er mikil sorgarsaga, enda sýnir vel að minnstu meiðsl geta verið lífshættuleg og lítið höfuðhögg getur haft gríðarleg áhrif og verið banvænt. Allt við þessa sögu er dramatískt en þetta er fyrst og fremst afskaplega tragísk endalok. Ég held að allir finni mjög til með ættingjum hennar.

Væntanlega verður mikið velt fyrir sér hvað hafi verið hægt að gera og hvort hægt hafi verið að bjarga henni. Allt fór á versta veg. Fyrstu viðbrögð hafa alltaf úrslitaáhrif þegar fólk slasast. Ég vona að þetta hafi fyrst og fremst þau áhrif til góðs að fólk fari ekki á skíði nema vera með hjálm á höfðinu.

Hefði getað bjargað Richardson

Athugasemdir

[ThoR-E, 20.3.2009 kl. 13:38]

Virkilega dapurlegt. Var einmitt að horfa á mynd.. þar sem hún lék skemtilegt hlutverk. Man ekki alveg hvað myndin heitir.

Ef sjúkrabílnum sem var kallaður strax eftir slysið hefði ekki verið snúið við.. að þá hefði sennilega verið hægt að bjarga lífi hennar. 

Sjúklingar sem hafa fengið höfuðhögg eiga ekki að geta tekið þá ákvörðun að snúa sjúkraliði við. Það hefðu starfsmenn skíðasvæðisins átt að gera.

[Sveinn (IP-tala skráð) 20.3.2009 kl. 21:55]

Heyr heyr.

[Guðmundur St Ragnarsson, 21.3.2009 kl. 00:41]

Mjög sorglegt mál. Glæsileg leikkona og móðir fallin í valinn í slysi sem leit út fyrir að vera frekar lítilsháttar, a.m.k. til að byrja með.