Dauðastríð í beinni útsendingu

Jade Goody var algjörlega óþekkt þegar hún tók þátt í raunveruleikaþættinum Big Brother árið 2002, en náði að nota sviðsljósið sem farmiða inn í heimsfrægð á einni nóttu. Hún veiktist af krabbameini og háði mjög opinbera baráttu gegn sjúkdómnum í kastljósi fjölmiðla. Jade nýtti fjölmiðlaathyglina til að vekja athygli á sjúkdómnum og sjálfri sér, varð talsmaður á opinberum vettvangi allt til síðustu stundar.

Síðustu mánuðir á ævi hennar voru dókúmenteraðir frá upphafi til enda. Hún seldi fjölmiðlum algjöran aðgang að einkalífi sínu undir lokin. Þeir fengu aðgang að henni á sjúkrahúsi, fulla aðkomu að brúðkaupi hennar og Jack Twist. Hver mínúta varð að augnabliki í kastljósi fjölmiðla. Sjaldan áður hefur ein persóna kvatt og deilt síðustu augnablikum í fjölmiðlum.

Sumum fannst þetta sjúkt en aðrir dáðust að styrk hennar. Jade Goody mun væntanlega aldrei gleymast. Fólk verður svo að meta hvort dauðastríð í beinni útsendingu sé viðeigandi endalok baráttu eða siðlaust fjölmiðlaaugnablik. Allt hefur sinn tilgang sagði frægur fjölmiðlakóngur eitt sinn. Jade Goody lifði eftir því mottó til hinstu stundar allavega.

Jade Goody látin

Athugasemdir

[TARA, 22.3.2009 kl. 12:19]

Ég ætla ekki að dæma þessa konu, en endalok hennar eru sorgleg og langt fyrir aldur fram. En að láta heiminn fylgjast með síðustu andartökum lífs míns eða minna nánustu, hefði aldrei verið til umræðu.

Eiginmaður minn heitinn háði sitt dauðastríð fyrir tæpum tveimur árum og ég hefði ekki viljað að heimurinn fylgdist með honum eða okkar lífi þessa tæpu sex mánuði frá því að hann greindist og þar til hann dó. Fyrir mína parta finnst mér það vera einkamál og lífið hefði orðið skrípaleikur held ég...við hefðum örugglega bæði reynt að vera bjartsýnni, hughraustari og aldrei látið reiði eða neikvæðar tilfinningar í ljósi..allt til að sýnast hugrakkari en við vorum. og þar af leiðandi hefðum við ekki verið við sjálf og tilfinningar okkar bældar niður. En þetta er bara mín upplifun og skoðun.

[Isis, 22.3.2009 kl. 23:46]

Það má kannski alveg  hafa það í huga líka að það var ekki eins og fjölmiðlarnir hafi neytt sig upp á líf hennar... hún sóttist eftir því og seldi hæðstbjóðanda aðgangi að lífi sínu. Hún sagði það sjálf á sínum tíma, að hún hefði gert það til þess að safna peningum fyrir börnin sín sem væru alveg að verða móðurlaus, svo þau gætu átt eitthvað líf, í framtíðinni.

Mér finnst sú hugsun ekkert röng í sjálfu sér, en líklega er þetta bara persónulegt. Ég myndi líklega aldrei gera þetta, en ég veit það samt ekki, enda svosem aldrei verið í þessum aðstæðum... 

[Anna Guðný , 24.3.2009 kl. 00:03]

Mér skilst að þessi ákvörðun hennar hafi orðið til þess að mund fleiri breskar konur hafi farið í leghálskrabbameinsskoðun á síðasta ári. Ef bara það hefur bjargað einni konu frá því að vera greind of seint, ja þá er tilgangnum náð.