Eignarétturinn ræður för á Vatnsstíg

Í sjálfu sér þarf ekki að vera undrandi á því að lögreglan láti til skarar skríða gegn þeim sem dveljast í óleyfi í húsi í eigu annars aðila sem vill ekki bera ábyrgð á því. Þetta gat varla endað öðruvísi. Þeir sem fara fram þannig að eignarétturinn sé aukaatriði eru satt best að segja ekki mjög trúverðugir, enda er hann varinn vel í stjórnarskrá. Almennt lítum við öll á að eign okkar verði ekki af okkur tekin með rangindum.

Hinsvegar er leitt hversu mikil harka er í þessum aðgerðum. Þetta hefði getað endað með friðsamlegri hætti en varla er við því að búast að lögreglan hafi langlundargeð til að bíða þegar ljóst er hver á húseignina sem um ræðir. Varla var hægt að skilja málið öðruvísi en frestur hafi verið veittur og öllum ljóst hvað gerðist ella.

Sextán handteknir

Athugasemdir

[Einar Ólafsson, 15.4.2009 kl. 12:01]

Það hún margir spurt sig á undanförnum mánuðum hvernig eignarréttinum sé yfirleitt varið í þessu landi - og eignarréttur hverra sé helst varinn.

[Gunnar (IP-tala skráð) 15.4.2009 kl. 14:34]

Góðar og vel heppnaðar aðgerðir lögreglunnar. En hver er kostnaður lögreglunnar sé af þessum aðgerðum?

Ég er ekki til í að greiða fyrir veisluhöld þessa hústökufólks. Búinn að greiða nóg á þessum vetri af annarra manna veislum.

G.

[Hildur Helga Sigurðardóttir, 15.4.2009 kl. 14:51]

Sæll Stefán;

Eign fylgir ábyrgð.  Ekki verður séð að eigendur þessa húss, frekar en margra annarra á þessum slóðum, hafi staðið undir þeirri ábyrgð.   Þvert á móti virðast þeir hafa vanrækt þá grundvallarskyldu húseigenda, að láta ekki eignir sínar drabbast niður í rottubæli og slysagildrur.   Það er líka lögbrot.

Einnig rekur mig minni til margra frásagna fyrri eigenda gamalla húsa í hverfinu í fjölmiðlum, þar sem því var lýst að nýir eigendur lóða á svæðinu beittu alls kyns lúalegum, gott ef ekki ólöglegum, brögðum til að flæma fólk úr húsum, sem þeir ásældust.

Hvar voru vélsagirnar og piparúðinn þá ?

[Haraldur Huginn Guðmundsson, 16.4.2009 kl. 13:10]

Þarf þetta fólk ekki að vinna fyrir húsi yfir sig eins og við hin.Ekki hef ég áhuga borga fyrir þetta fólk.Það getur unnið fyrir þaki yfir höfuðið.