Fegurð eða ljótleiki?

Mjög misjafnt hvernig fegurð er mæld. Hver hefur sína skoðun á því. Fegurð getur þó snúist upp í ljótleika á augabragði. Mér finnst fátt fagurt við horrenglur eða þá sem eru svo horaðir að sést í beinabygginguna á þeim. Sumir reyna svo mikið á sig fyrir fegurðina að þeir gleyma að fegurð getur verið margskonar fyrirbæri, ekki aðeins útlitslega. Innri fegurð er miklu mikilvægari þáttur persónuleikans.

Þessi ástralska fegurðardís, sem hefur greinilega tekið fegurð sína of alvarlega og fórnað henni fyrir vannæringu og markmiðið að vinna keppnina, minnir frekar á fanga í seinni heimsstyrjöldinni en táknmynd sem ungt fólk eigi að líta upp til eða taka sér fyrirmyndar. Ágætt er að fólk staldri við og hugleiði hugtakið fegurð og hvort hægt sé að svelta sig til að öðlast hana.

Horuð eða falleg?

Athugasemdir

[doddý, 24.4.2009 kl. 20:10]

sæll stefán, sammála þér. sem heilbrigðisstarfsmaður sé ég að stúlkan er helsjúk. verst er að litlar stúlkur horfa á og dáðst af þessu fríki sem er spreyjuð, rökuð og smurð svo húðhrukkur og líkhár sjáist ekki (líkhár kallast sá fíngerði hárvöxtur sem vannærð manneskja fær td á kjálka, háls, handleggi og bak og er varnarviðbragð líkamans við of lítlu fitulagi). kv d