Guðfríður valin þingflokksformaður fram yfir Atla

Ég efast ekki um að Guðfríður Lilja Grétarsdóttir er vel að því komin að verða þingflokksformaður vinstri grænna. Taldi samt að Atli Gíslason yrði fyrir valinu. Hann hefur meiri þingreynslu en Guðfríður Lilja, stýrt þingnefnd og leitt framboðslista lengur en hún. Valið ber merki þess að Atli hafi fallið í ónáð flokksforystunnar vegna ummæla eftir kosningarnar um myndun þjóðstjórnar.

Auk þess að Guðfríður Lilja hafi verið valin til að friða óánægjuraddirnar í VG sem vildu fleiri kvenráðherra, sem náði hámarki með harðorðri ályktun ungra vinstri grænna. Eflaust er það sambland af þessu báðu.

Niðurlæging Atla er samt algjör. Hann fékk ekki ráðuneyti og fær svo í kjölfarið ekki þingflokksformennsku þrátt fyrir að hafa verið lengur á þingi. Nýliði í þingflokknum er valin til að stýra honum.

Guðfríður Lilja þingflokksformaður

Athugasemdir

[Margrét Sigurðardóttir, 13.5.2009 kl. 18:23]

Er líklegt að Atli sé í þjálfun til áramóta sem dómsmálaráðherra?

[Helga (IP-tala skráð) 13.5.2009 kl. 18:59]

Stefán, hvarflar að þér að Atli sé á þingi til að vinna málum framgang en ekki til að koma sjálfum sér á framfæri?

Hefur Atli verið spurður hvort hann vilji vera ráðherra? Finnst þér koma til greina að hann sé stjórnmálamaður af öðrum skóla en framapotararnir og að hann vilji nota tíma sinn á þingi til að sjá hugsjónir sínar og kjósenda sinna verða að veruleika?

Það eru sem betur fer til hugsjónamenn í stjórnmálum.

Það er beinlínis hallærislegt að ætla öllum stjórnmálamönnum að vilja vera ráðherrar, þingflokksformenn og nefndarformenn.

"Röðin-komin-að-þessum-til-að-vera ráðherra"- hugunin er þvert á lýðræðislega hugsun og vinnubrögð og að auki er hún hallærisleg.

[Jón Óskarsson (IP-tala skráð) 13.5.2009 kl. 20:28]

Þú hleypur fram hjá nýjum varaformanni þingflokksins í þessari umræðu.

Vissulega tók Steingrímur reynsluleysi fram yfir reynsluna.

Atli var aldrei inni í þessari umræðu.  

Hann fær kannski formennsku í nefnd.

[Auður H Ingólfsdóttir (IP-tala skráð) 13.5.2009 kl. 22:09]

En Guðfríður Lilja leiddi líka lista. Og er með miklu fleiri atkvæði á bak við sig en Atli.

[Halldór Jónsson, 14.5.2009 kl. 00:06]

Sæll Stefán, bloggkóngur Íslands. Mikið rosalega ertu duglegur !

Geturðu sagt mér hvernig maður fjarlægir komment af síðu, ég hef verið beðinn um það af einum mórölskum en ég kann það ekki.

Mér finnst Atli bara leiðindapúki samanborið við Guðfríði, hún er líka meira augnayndi-  fyrir okkur kallana að vísu.

[Stefán Friðrik Stefánsson, 14.5.2009 kl. 01:36]

Takk fyrir góðu orðin Halldór. Þú smellir á valflipann Blogg í stjórnborðinu. Þar undir er flokkurinn Athugasemdir. Þar geturðu breytt eins og þú vilt. :)

[Hildur Helga Sigurðardóttir, 14.5.2009 kl. 02:08]

Atli Gíslason hefði orðið flottur dómsmálaráðherra.  Það er síðan spurning hvort nokkur flokkur í ríkisstjórn hefði treyst sér til að vera með slíkan innanborðs, miðað við þær rannsóknir sem framundan eru  -vonandi.

[Róbert Trausti Árnason (IP-tala skráð) 14.5.2009 kl. 09:52]

Þankar þessir kalla á umræðu.