Jarðskjálftadagurinn mikli

Mér finnst það stórmerkilegt að stór jarðskjálfti verði nákvæmlega ári eftir að Suðurlandsskjálftinn stóri reið yfir. 29. maí hlýtur að verða nefndur jarðskjálftadagurinn mikli. Hef heyrt í mörgum sem fundu fyrir skjálftanum á höfuðborgarsvæðinu. Þetta virðist hafa verið alvöru lífsreynsla fyrir einhverja, sérstaklega á Suðurnesjum.

Um að gera að rifja upp viðbrögð Ingva Hrafns Jónssonar fyrir ári þegar stóri skjálftinn reið yfir, en þá var hann í miðri upptöku á Hrafnaþingi. Mögnuð klippa.

Skjálftinn mældist 4,7 stig

Athugasemdir

[Hanna Guðrún (IP-tala skráð) 30.5.2009 kl. 02:38]

Blessaður Stefán!

Ég viðurkenni það hér að ég var búin að tjá mig lítillega um þetta umræðuefni hjá Jennýju á hennar bloggi en þar var hún að líkja þessum árs gamla atburði og nýjasta skjálftanum við jarteikn til nýju ríkisstjórnarinnar. Það er allt saman gott og blessað að mínu mati, en hversu margir sitja uppi með óunnar tilfinningar eftir jarðskjálftann, alla þá hræðslu og ótta að svonalagað geti ekki gerst aftur - við búum jú hér fyrir austan heiða með þann möguleika. Verra þykir mér þó að vita þegar talað er um næsta skjálfta sem verði frekar á Reykjanesinu og jafnvel Reykjanesskaganum, sem varð jú að einhverju leyti uppá 4.9, en olli þó engum usla eða manntjóni sem ber að þakka af heilum hug.

Mér persónulega finnst, að jarðskjálftafræðingarnir okkar eigi að geta sagt fyrir um stóra mögulega skjálfta, því ég held að þeir búi yfir nægilegum upplýsingum til þess.

T.a.m. hvað varðar skjálftann 29. maí 2008 þá var ég heima frá því að skjálfti varð kl. 14.50, en þá beið ég eftir að heyra í fréttum kl. 15.00 um það. Ekkert kom í fréttum þá, þannig að ég og maðurinn minn böðuðum anann köttinn okkar hátt og lágt, enda góð veðurspá framundan. Hann var nýfarinn að þurrrka sig og greiða er skjálftinn reið yfir. Hann sást ekki í um þrjá sólarhringa, en skilaði sér síðan. Hann átti um mjög sárt að binda eftir þessi ósköp, en nóg um það.

Ennþá eru þvílíkt margir fullorðnir og börn að jafna sig eftir þessa lífseynslu. Annaðhvort að hafa verið heima er þessi ósköp dundu yfir eða fjarri. Þeir sem voru heima, líkt og ég og minn maður, gelymum því aldrei. Hvernig þá þau börn eru voru innilokuð og komust ekki út eða börn leikandi utanhúss heima eða heiman. Þetta situr enn í þeim og þeirra foreldrum og öðrum er sinntu þeim á skólatíma.

Það má samt segja að "tími skjálftans" hefði ekki getað verið heppilegri eða kl. 15.45, því þá var kaffitími á HNLFÍ, dvalarheimilinu Ási og vaktaskipti  báðum þessum stöðum um 15.45. Það var eins og að þá hefði Guð verið með okkur, og hélt verndarhendi yfir fólki, því slys á fólki á jarðskjálftasvæðinu var minniháttar.

Kv. Hanna Guðrún

[Hanna (IP-tala skráð) 30.5.2009 kl. 03:35]

Það er ennþá skjálfti í hugum fólks á Suðurlandi!!

Ég var búin að skrifa ansi langa færslu um jarðskjálftann 29. maí sl. - um hvernig hann hefur haft áhrif á börn og fullorðna hér í Hveragerði þar sem ég bý, sem og aðra er bjuggu/búa þar sem skjálftans gætti mest/eða varð mest vart - mjög vægt til orða tekið. Það var ekkert vægt í þessum skjálfta á átakasvæðunum sjálfum.

Það voru mjög margir farnir að hugsa um tímamótin, eitt ár frá skjálfta, það gæti ekki staðist að þetta væri e-h árlega - en þá búmm: 4,7-9 á richter nálægt Grindavík, en ef fólk væri búið að fylgjast með jarðsklálftafréttum, þá eru alltaf sífelldir jarðskjálftar um allt land. Frá Grímsey á Skjálfanda, austurfyrir landið til suðurs!

Don´t worry - be happy

[DoctorE (IP-tala skráð) 30.5.2009 kl. 12:15]

Sorry en það er ekkert merkilegt við þetta... nema í hugum manna.