Hví eru tillögurnar ekki kynntar strax sem heild?

Mér finnst það alveg forkastanleg vinnubrögð hjá þessari ríkisstjórn að ekki sé tilkynnt um niðurskurðaraðgerðir og skattahækkanir saman í einum pakka strax í stað þess að láta slumpa á einn og einn lið, annað hvort í yfirlýsingum eða augljósum lekum til að kanna viðbrögðin. Hvers vegna er ekki drifið bara í að segja hver staðan sé og hverjar aðgerðirnar eru - hver heildarpakkinn sé?

Í Fréttablaðinu í morgun er reyndar hulunni svipt af því að aðeins félagsmálaráðuneytið hafi klárað niðurskurðinn meðan hin ráðuneytin sum hver draga lappirnar og tafir eru á verklaginu. Voru annars ekki margir vinstrimenn sem óttuðust einmitt að Árni Páll Árnason yrði niðurskurðarráðherra velferðarmála í stað þess að vera ráðherra velferðarmála? Hann er örugglega ákveðnari til verka en Jóhanna var.

En burtséð frá því er óeðlilegt að þetta sé ekki komið fram, lekið út nokkrum liðum og svo beðið. Þetta er verklagið sem við erum að kynnast hjá þessari vinstristjórn.

Lækka á hámarksgreiðslur í fæðingarorlofi

Athugasemdir

[Ólafur Sveinn Haraldsson (IP-tala skráð) 10.6.2009 kl. 09:48]

Sammála, léleg vinnubrög. Samfylking og Vinstri grænir vega að jafnréttinu, kaldhæðnislegt.

Bestu kveðjur vinur

[Árni Gunnarsson, 10.6.2009 kl. 10:02]

Niðurskurðarmeistari! Þetta fæðingarorlof er ein af þem félagslegu aðgerðum sem ég hef aldrei getað skilið og ég er agndofa yfir þessu bulli. Auðvitað eigum við að afnema þessa vitleysu og taka hana svo upp einhverntíman seinna þegar við höfum efni á að haga okkur eins og fifl.

[Jóhannes H. Laxdal, 10.6.2009 kl. 13:36]

Nei þau geta ekki komið með allar aðgerðirnar á einu bretti..  slíkt skapar óvinsældir og óánægju ..   það er miklu betra að skammta okkur slæmu fréttirnar svo við verðum búin að gleyma fyrri skerðingum þegar þær næstu koma.