Borgarahreyfingin splundrast á mettíma

Á örfáum mánuðum hefur Borgarahreyfingin koðnað niður í innri ólgu og átök - hefur sett Íslandsmet í sundrungu og ósamstöðu. Þetta eru pínleg örlög hreyfingar sem ætlaði eflaust að vera þekkt fyrir eitthvað annað en innri klofning - gat ekki enst sumarþingið einu sinni án þess að splundrast upp á Alþingi. Illa er komið fyrir fjögurra manna þingliði sem getur ekki haldið saman lengur en hálft ár.

En varla kemur þetta samt að óvörum. Þegar varð ljóst í maímánuði að innri mein voru undir niðri í hreyfingunni. Þau hafa samt sligað hreyfinguna og þinghópinn sérstaklega mun fyrr en flestum óraði fyrir.

Þegar ég skrifaði þessa grein í maí sá ég fyrir að Borgarahreyfingin lifði ekki kjörtímabilið... en átti varla von á að þetta yrði orðið svona súrt fyrir sumarlok.

En við hverju var að búast af hreyfingu sem myndaðist utan um óánægju og fá stefnumál, almennt orðuð.

Enginn þingmaður mætti

Athugasemdir

[Gunnar Th. Gunnarsson, 7.8.2009 kl. 03:08]

Sammála Stefán.

[Óðinn Þórisson, 7.8.2009 kl. 07:53]

Það má segja að trúverðuleiki og allur pakkinn hafi farið á fyrsta starfsdegi á alþingi þegar þeir sömdu við sf um nefndarsæti gegn því að vera með ESB en svo auðvitað stóðu þeir ekki við það heiðursmannasamkomulag -

Bhr. er ótrúverðugur hópur ósamstillts óánægjufólks og mun þessi hreyfing hverfa af þingi eftir næstu kosningar.

[365, 7.8.2009 kl. 11:22]

Þessi svokallaða hreyfing var splundruð fyrirfram, sjáið mannvalið ef mannval skyldi kalla.