Samstaða um Icesave - Davíð á Austurvelli

Mér líst vel á hversu vel heppnaður samstöðufundurinn var á Austurvelli. Mikilvægt er að klára þetta mál með heill og hag Íslands að leiðarljósi. Athygli vekur að Davíð Oddsson, fyrrverandi forsætisráðherra, var þar einn fundarmanna og tók þátt í þessum vel heppnaða fundi. Davíð hefur verið einn traustasti talsmaður farsællar niðurstöðu í Icesave-málinu fyrir Ísland og verið skeleggur í tali, eins og jafnan áður.

Þessi fundur hlýtur að verða upphafið á því að færa þetta mikilvæga mál úr skotgröfunum, tryggja þverpólitíska samstöðu og einkum það að unnið verði að því að treysta hagsmuni Íslands, tryggja farsæla niðurstöðu fyrir fólkið í landinu og afkomendur þeirra.

Sneisafullur Austurvöllur

Athugasemdir

[Brosveitan - Pétur Reynisson, 13.8.2009 kl. 18:40]

Alveg sammála þér Friðrik.  Vel heppnaður fundur.  Þetta mál snertir okkur öll, börn okkar og mögulega barnabörn og þá spyrjum við ekki um flokksskírteini.

Sýnum einhug og samstöðu

[Sigurður Sigurðsson, 13.8.2009 kl. 20:41]

Mjög vel heppnaður fundur - Einar Már fór á kostum, sérstaklega þegar hann talaði til hins nú um stundir þögula forseta vor sem væntanlega er í felum.

Vonandi að Alþingi hafi skynsemina að leiðarljósi og hafni kúgunarsamningnum.