Borgarahreyfing í upplausn - víkur Margrét af þingi?

Skrípaleikurinn í Borgarahreyfingunni heldur áfram af krafti. Yfirlýsing stjórnar um að Margrét Tryggvadóttir eigi að kalla til varamann er vantraust á hana. Athygli vekur að Margrét situr sjálf í nýrri stjórn sem kynnt var til leiks í kvöld. Er hún þar með að lýsa vantrausti á sjálfa sig? Þvílíkur vandræðagangur. Þetta er eins og að horfa á hund elta skottið á sjálfum sér, reyna að bíta í það með reiðisvip á andlitinu. Þetta er kostuleg endalok fyrir stjórnmálahreyfingu sem ætlaði að vera öðruvísi en floppaði á mettíma.

En hvað gerir Margrét? Mun hún taka tilmælum stjórnarinnar sem hún situr sjálf í og víkja? Eða mun hún kannski auk Birgittu og Þórs dissa Borgarahreyfinguna og fara að vinna á eigin vegum? Ekki er að sjá annað en allir þingmennirnir gætu verið farnir að vinna á eigin vegum mjög fljótlega og eftir sitji stjórn Borgarahreyfingarinnar án þingmanna og nokkurra áhrifa, annað en senda tölvupóst sín á milli og birta á heimasíðum sínum.

Þvílík míkró sýn inn í ljónagryfju.... nema hvað þetta er fólkið sem ætlaði sér að breyta heiminum en skapaði pólitískt vandræðaheimili þar sem ekkert sameinar lengur, nema innri sundurlyndi.

Margrét kalli til varamann

Athugasemdir

[sandkassi (IP-tala skráð) 15.8.2009 kl. 01:42]

Nei Stefán það verður eitthvert smá húla í kring um þetta Þráins mál en að öðru leyti er þetta gengið yfir.

Taktu eftir að einungis 3 stjórnarmenn af 8 standa á bak við þessa tilkynningu og verða þeir eflaust komnir út úr stjórninni áður en sólin kemur upp í fyrramálið. 

[Birgitta Jónsdóttir, 15.8.2009 kl. 08:31]

vil benda á eftirfarandi sem ég fann inn á síðu hjá einum af fundarmönnum þessa fundar sem þú vísar í sem og minna á það að þessi stjórn er bráðabirgðastjórn kosin til að undirbúa landsfund sem á að fara fram í september.

1. Á stjórnarfundi Borgarahreyfingarinnar í kvöld, 14. ágúst 2009, skipti stjórn með sér verkum á ný, í ljósi brotthvarfs fjögurra aðalstjórnarmanna og samkvæmt niðurstöðum stjórnarkosninga á auka-aðalfundi hreyfingarinnar 13. júní 2009. Formaður er Baldvin Jónsson (komst ekki á fundinn í kvöld), varaformaður Margrét Rósa Sigurðardóttir, gjaldkeri Björg Sigurðardóttir, ritari Ingifríður R. Skúladóttir og meðstjórnendur eru þau Þór Saari (mætti ekki), Margrét Tryggvadóttir (mætti ekki), Guðmundur Andri Skúlason og Sævar Finnbogason - samtals 8 í stjórn.

[Hafþór Kristjánsson (IP-tala skráð) 15.8.2009 kl. 12:52]

Dettur í hug vísa sem ég las einhvern tíma í gamla DV.

Allir sjá ef vel er gáð

eins og varga í hreysi

hér er skortur öllu á

öðru en bjargarleysi

Þið leiðréttið mig ef ég fer rangt með.