Pínleg endalok Borgarahreyfingarinnar

Við blasir að þingmenn Borgarahreyfingarinnar séu á förum þaðan - eftir stendur grasrótarhreyfing án þingmanna innan við hálfu ári eftir alþingiskosningar. Þvílík endalok - pínleg sögulok í hreyfingu sem átti að vera svo frjáls og laus við allt regluverk og lagaumgjörð... þetta átti að vera svo "öðruvísi" - án þess að útlista það nánar svosem.

Hreyfingin hrynur svo á mettíma vegna sundurlyndis og ólgu vegna þess að engin umgjörð er utan um - grasrótin er algjörlega ótengd við þingmennina sem vinna í nafni hreyfingarinnar. Þetta er nett tragedía - en miðað við deiluefnið í fréttumfjöllun í gær eru þetta helst egósentrískar erjur.

Borgarahreyfingin sem átti að vera upphaf á nýjum tímum í íslenskum stjórnmálum hefur á undraskömmum tíma fest hinn hefðbundna fjórflokk í sessi... hann er traustari en jafnan áður.

Íhuga áframhald á samstarfi

Athugasemdir

[Gísli Bergsveinn Ívarsson, 13.9.2009 kl. 17:09]

Byltingin étur börnin sín

[Kalli Sveinss (IP-tala skráð) 13.9.2009 kl. 17:20]

Æ, Stefán vor góður !

 Þú ert   snjall penni á tungu feðranna. Þessvegna hreinn óþarfi að nota slettur.

 " nett tragedía" - Skýr íslenska.: " Smá harmleikur" !

 "Egósentrískur" ? - Skýr íslenska.: "Sjálfhverfur" !

 Að öðru leiti hinn besti pistill !

[Haraldur Haraldsson, 13.9.2009 kl. 18:01]

so bregðast krosstré sem önnur tré/ekki við öðru að búast/Keðja Halli gamli

[Einar Björn Bjarnason, 13.9.2009 kl. 20:26]

Jamm - þ.e. líkleg niðurstaða,,,enda virðist ákvæðið um að krefja þingmenn að framkæma drengskaparheit, bókstaflega hannað til að flæma þingmennina á brott.

Virðist sem að ákveðin harðlínustefna, hafi sigrað.

Ég reikna með, að þingmenn muni stofna annann flokk, frekar en að sækja um aðild að einhverjum hinna.

Eftir sitji áhrifalaus leifin að Borgarahreyfingunni.

Kv

[Fannar frá Rifi, 13.9.2009 kl. 22:41]

og með þessum fíflagangi er búið að gera öllum öðrum mögulegum nýjum framboðum í framtíðinni erfiðara fyrir.

já ég verð eiginlega að taka undir með þér, fjórflokkurinn hefur aldrei staðið sterkara að vígi.