Óvænt val á íþróttamanni ársins

Það er ekki hægt að segja annað en að valið á Guðjóni Val sem íþróttamanni ársins 2006 hafi komið nokkuð á óvart. Flestir höfðu talið Eið Smára með þetta nokkuð öruggt. Eiður Smári vann titilinn síðustu tvö ár og vakti t.d. athygli þegar að hann vann fyrir tveim árum er flestir töldu Kristínu Rós með sigurinn tryggan eftir glæsileg afrek á ólympíuleikum fatlaðra.

Fagna því mjög að Guðjón Valur vinni titilinn. Hann á þennan titil svo sannarlega skilið. Ég veit sem er að Guðjón Valur er vandaður og góður íþróttamaður og persóna sem gerir ávallt sitt besta og hefur átt glæsilegan feril.

Ég kynntist honum þegar að hann bjó hér á Akureyri, er hann keppti hér með KA, en þar átti hann glæsileg ár á sínum ferli. Sendi honum innilegar hamingjuóskir.

Guðjón Valur íþróttamaður ársins 2006

Athugasemdir

[Sigríður Laufey Einarsdóttir, 28.12.2006 kl. 23:44]

Góða kveldið. 

Þegar ég sá að Eiður Smári yrði ekki, varð ég mest hissa þegar Norðurlandameistsarinn í fimleikum varð ekki íþróttamaður ársins.

Ekki það að Guðjón Valur er frábær, en Norðurlandameistarinn hefði átt að

hljóta hnossið að mínu mati.

[Magnús Helgi Björgvinsson, 29.12.2006 kl. 00:18]

Ég er sammála um að Guðjón Valur er mjög vel að þessu kominn. Hann vakti athygli mína þegar hann í einhverju viðtali sagði frá því að geta hans í handbolta væri aðeins æfingu og áhuga að þakka þar sem hann væri ekki einn af þeim sem hefði þetta meðfætt. Honum var bent á það af einhverjum í yngri flokkum að hann hefði ekki getur til að ná langt. En nú spilar hann í bestu deild í heimi Var markhæstur á síðustu leiktíð og valin leikmaður ársins af þjálfurum og leikmönnum í Þýskalandi. Stendur sig alltaf vel með landsliðinu og leggur sig 100% fram. Eiður var vel að 2 sætinu komin og búinn að vinna þennan titil 2 x áður.  Verðum að gera okkur grein fyrir að norðulandameistai í fimleikum er góður árangur en skoðað á heimsmælikvarða er það ekki mikið. Ragna badmintonleikar stendur hærra er í sextugasta og eitthvað sæti í heiminum. Auðun kraftlyftingarmaður varð líka heimsmeistari, Örn varð 3 á Evrópumóti. Þannig þetta var erfitt val en sanngjarnt.

[Óðinn Þórisson (IP-tala skráð) 29.12.2006 kl. 18:00]

Guðjón Valur átti þetta fyllilega skilið og óska ég honum til hamingju með titilinn.

Ólafur Stefánsson over the hill, þessari ath.semd er ég allveg sammála, maðurinn er að spila með aulaliði á spáni sem vinnur ekki neitt og hefur ekkert sérstak hlutverk í landsliðnu og skiptir engu máli, klárlega over the hill. :)