Guðfríður Lilja hafnar ráðherrastól vegna Icesave

Guðfríður Lilja Grétarsdóttir getur verið stolt af því að hafa hafnað ráðherrastól vegna Icesave. Hún kemur sterkari frá þessari ákvörðun, rétt eins og Ögmundur Jónasson. Hún treystir sér ekki frekar en hann til að taka sæti í ríkisstjórn þar sem valtað er yfir hugsjónir, pólitíska sannfæringu þingmanna. Það er ekki á hverjum degi sem stjórnmálamaður tekur þessa afstöðu, en þetta eru heldur ekki venjulegir tímar í íslenskum stjórnmálum.

Þessi ríkisstjórn er mjög völt í sessi og lafir á einhverjum óljósum þræði, kannski traustu samstarfi Jóhönnu og Steingríms. Þegar lykilmenn innan stjórnarflokkanna treysta sér ekki til að taka sæti í henni vegna vinnulagsins og verkstjórnar forsætisráðherrans má öllum ljóst vera að ríkisstjórnin er ekki á vetur setjandi eða í besta falli mjög ótraust... hún er brothætt og aum.

Guðfríður Lilja hafnaði

Athugasemdir

[Ísleifur Gíslason, 1.10.2009 kl. 16:25]

Gott hjá Guðfríði

ÁFRAM ÍSLAND
NEI við ESB  -  NEI við Icesave - NEI við AGS

Styðjum Samtök Fullveldissinna
http://www.fullvalda.is

http://fullvalda.blog.is/blog/fullvalda/

[Þráinn Jökull Elísson, 1.10.2009 kl. 16:26]

Góður pistill Stefán eins og endranær. Tvennt er mér efst í huga þessa dagana. Hendum AGS út í ysta hafsauga og höldum okkur langt frá ESB.   Bestu kveðjur.

[magnús steinar (IP-tala skráð) 1.10.2009 kl. 18:09]

Aldeilis hjartanlega sammála ykkur Stefán,Ísleifur og Þráinn

[Rafn Gíslason, 1.10.2009 kl. 18:22]

Já Stefán það hriktir í innviðum Vinstri grænna þessa stundina. Sumum þingmönnum Vg er farið að finnast vinnubrögðin ámælisverð.

[Óðinn Þórisson, 1.10.2009 kl. 20:11]

vg hefur sett hugsjónir sínar og stefnu til hliðar fyrir völd - það sem skiptir öllu máli hjá þessu fólki er þessi tæra vinstri stjórn - allt annað er algert aukaatriði -

[Örn Johnson ´43 (IP-tala skráð) 2.10.2009 kl. 11:13]

Þessa veturs verður minnst sem veturinn sem Álfheiður Ingadóttir, and-lýðræðissinninn, var gerð að ráðherra og veturinn sem ríkisstjórn Jóhönnu Sigurðardóttur féll.