Hvað varð um opnu og gegnsæju stjórnsýsluna?

Vinstrimenn hafa um árabil talað fjálglega um mikilvægi opinnar og gegnsærrar stjórnsýslu. Eftir tæpt ár sést árangur vinstristjórnar í ráðningum í stjórnkerfinu án auglýsingar, þar sem búið er að raða 42 starfsmönnum á garðann, flokksgæðingum í flestum tilfellum. Vinstrimenn hafa fallið á prófinu, hafa ekki iðkað það sem þeir hafa talað um árum saman. Þeir hafa verið gripnir í bólinu, eru ekkert betri en þeir sem gagnrýndir voru áður.

Þarf þetta að koma einhverjum á óvart? En hvernig stendur á því að forsætisráðherrann Jóhanna Sigurðardóttir sem margoft hefur flutt predikanir um opin og gegnsæ vinnubrögð, auk fleiri ráðherra vinstrimanna snýst í hring þegar komið er í valdastóla og byrjar að gera eitthvað allt annað en áður var sagt?

Er það kannski svo að valdið spillir og þetta fólk er ekki merkilegra en svo að það gleymir öllu sem áður var sagt?

Gagnrýna ráðningar án auglýsinga

Athugasemdir

[Viðar (IP-tala skráð) 12.11.2009 kl. 11:41]

Ætli það sé ekki svipað og þegar allt átti að lagast þegar búið væri að semja um Icesave samningana.  En það ætti að vera einsýnt að ekkert er að marka það fólk sem í ríkistjórn er í dag.  kv V

[Heimir Hermannsson (IP-tala skráð) 12.11.2009 kl. 11:50]

Er þetta ekki bara eins og þegar við Sjálfstæðismenn réðum ríkjum, vinir og ættingjar settir á jötuna til þess að mjólka hina andlitslausu aula, íslenska skattgreiðendur.

[Stefán Friðrik Stefánsson, 12.11.2009 kl. 17:25]

Góður punktur Viðar.

Heimir: Sjálfstæðismenn hvað. Ætla vinstrimenn að verja sitt klúður með því að benda á aðra. Þetta lið hefur verið við völd í hálfan ellefta mánuð og ekki staðið sig betur en þetta.