Nei takk við kristilegu Byrgis-BDSMklámi

Ég er einn þeirra sem hef fengið sendan link á klámmyndbandið með Guðmundi í Byrginu sem virðist vera það vinsælasta á netinu þessa dagana. Thanks, but no thanks - hef ekki áhuga á að kynna mér afbrigðilegt kynlíf manns sem leikur sig einhvern vitring á kristilegu meðferðarheimili sem sukkar á ríkisfé og býður upp á stóðlíferni. Þvílíkt myndefni og þvílík umræða. Það virðist sífellt verða meira svæsið þetta mál.

Sjálfskaparvíti ByrgisGuðmundar er algjört. Hann getur þó algjörlega sjálfum sér um kennt. Það besta fyrir hann nú væri einfaldlega að fara að tala af viti og segja söguna eins og hún er frá a-ö. Það getur varla vont batnað fyrir honum. Nú ætlar Guðmundur að reyna að telja fólki trú um að honum hafi verið nauðgað af gellunni sem hann sagði fyrir nokkrum vikum að hann hefði aldrei sofið hjá. Þvílíkt og annað eins. Hann þvertók fyrir jól fyrir að hafa átt í kynferðislegu sambandi. Dæmi hver sem vill.

Annars ætla ég ekki að dæma BDSM-hugsanir Guðmundar eða afbrigðilegt kynlíf hans þó að það sé við einstaklinga sem hann er með í meðferð. Það dæmir sig algjörlega sjálft. Það er sjúkt. Hitt sem er verra er að misfarið var með ríkisfé af honum í Byrginu í þónokkurn tíma. Það er alvarlegt mál. Það er kjarni þessa máls. Ekki það hvort að hann reið einni konu eða fleirum.

Mun klámið ráða úrslitum?

Athugasemdir

[Kristján Pétursson, 19.1.2007 kl. 17:34]

Er sammála þér í megin dráttum.Vísa til greinar minnar á blogginu í dag.

[Ingibjörg Stefánsdóttir (IP-tala skráð) 19.1.2007 kl. 18:32]

Gaman að sjá hvað þú hefur mikinn skilning á kynferðislegri misnotkun.

Ef við gerum ráð fyrir að hvort tveggja sé rétt: að Guðmundur í Byrginu hafi átt í kynferðissambandi við skjólstæðinga sína og að hann hafi misnotað almannafé þá þarf að gá að þessu: Kynferðissamband meðferðaraðila við sjúkling er alltaf misnotkun hvernig sem svo það kynlíf er. Kynferðisleg misnotkun er alltaf og alls staðar alvarlegri en misnotkun á fé, þó alvarlegt sé.

Kynferðisleg misnotkun er mannréttindabrot og hefur alvarlegar afleiðingar á líðan einstaklings, jafnvel það sem eftir er. Enn alvarlegra verður slík misneyting þegar um er að ræða einstaklinga sem eru illa farnir vegna fíkniefnanotkunar.

 Það er ekkert eitt fórnarlamb misnotkunar Guðmundar á almannafé en fórnarlömb kynferðislegrar misnotkunar jafna sig sjaldnast.

[Stefán Friðrik Stefánsson, 19.1.2007 kl. 19:14]

Sæl Ingibjörg

Kynferðisleg misnotkun og kynferðislegt ofbeldi er ógeðslegt. Það er nú bara alveg einfalt mál. Ég skrifaði um þetta Byrgismál í því ljósi er Kompásþátturinn var sýndur fyrst og viðtalið við konuna sem hafði átt í ástarsambandi við GJ að þetta væri stóralvarlegt mál. Það má ekki skilja orð mín sem svo að þetta sé lítilvægt að GJ hafi sofið hjá fólki í Byrginu og verið í kynferðisafhöfnum með því. En mér finnst sá hluti er varðar almannafé alvarlegur en hitt er ekki síður alvarlegt að sjálfsögðu.

mbk.

[Birna M, 19.1.2007 kl. 20:26]

Kynferðismisnotkunin er alvarlegri að því leytinu að þarna fer maður sem kemur því inn hjá fólki að það eigi ekki í önnur hús að venda, og hann sé verkfæri Guðs, sem er mesta bölvað bull. Síðan segir hann fárveiku fólki andlega og líkamlega, að það megi ekki fara gegn honum því þá verði Guð svo reiður, mesta bull líka. Og að sæðið hans lækni: "my ass". Og alvarlegast er að svona níðist hann á fárveiku undirmálsfólki sem enginn annar hlustar á, af því fólk er hætt að taka mark á því, fólk sem búið er að ræna allri reisn.

[GK, 20.1.2007 kl. 00:48]

Af hverju segir þú að BDSM sé sjúkt? Er þetta ekki bara ákveðnar hvatir sem BDSM-liðar finna sig knúna til að svala? Mér finnst örla á fordómum hjá þér þarna og rúmlega það.

[Sigríður Laufey Einarsdóttir, 20.1.2007 kl. 07:19]

Hér getur ekki verið um kristilegt meðferðarheimil að ræða hvað þá kristna hugsun í sambandi við kyferðisbrot.

Herfileg misnotkun á kristinni hugsun sem byggists að sjálfsögðu á kærlleiksboðorði Krists. Þú getur eins sagt mér að rautt sé grænt og látið mig trúa því.

Vestræn ríki bygga lýðræði sitt á kristnum gildum. Hitt er svo annað mál hvernig þau eru stundum framkvæmd. Samt sem áður gætir þeirra áhrifa en eru sorglega misnotkuð af mönnum eins og Guðmundi Jónssyni.

Það sem verra er að fólk sem telur sig með fullu viti og vel gáfað  heldur að rautt sé grænt í umræddu Byrgismáli.

[Ester Júlía, 20.1.2007 kl. 10:01]

Styð skrif Ingibjargar fullkomlega.. eins og talað úr mínum munni. 

[Fanney Dóra Sigurjónsdóttir, 20.1.2007 kl. 12:25]

,,Hitt sem er verra er að misfarið var með ríkisfé af honum í Byrginu í þónokkurn tíma"

Þetta blogg fellur niður um nokkur hundruð stig bara við þessa setningu. Peningar munu aldrei bæta fyrir það sem hann er sakaður að hafa gert þessum stúlkum. Aldrei.  

[halkatla, 20.1.2007 kl. 16:12]

góð fyrirsögn, vonandi hugsa fleiri svona

varðandi gagnrýni annarra á þennan pistil, þá vil ég bara segja að ég skil þessa samlíkingu milli brotanna, sem er hluti af þessari umræðu. Ég er ekki sátt við að þessari kynferðislegu misbeitingu Guðmundar gegn ungu konunum sé líkt við kynferðislega misnotkun almennt, sem oftast er beint gegn börnum eða þeim sem koma ekki vörnum við vegna fötlunar eða þroska. Sko, þessar stúlkur voru fullorðnar, auðvitað voru þær misnotaðar en þetta er samt ekki sambærilegt við það þegar börn eru misnotuð. Peningasóunin er allt annarskonar glæpur, hann beinist gegn okkur öllum og einhver sem bar ábyrgð innan stjórnkerfisins ætti að svara að einhverju leiti fyrir það, hvernig þetta gat gerst. Það er hræðilega alvarlegt mál. Guðmundur er hinsvegar veikur maður sem dró fólk útí sjúklega afbrigðilega hluti og gerði það háð sér á allan hátt. Það er auðvitað hræðilegri glæpur per se en að stela bara peningum en þegar þetta eru mörg hundruð milljónir af ríkisfé og konur sem voru um eða yfir tvítugt og tóku myndir af sjálfum sér í kynlífsathöfnum með manninum, þá einhvernveginn finnur maður það í sér að fyrirgefa þessa orðanotkun; ,,Hitt sem er verra er að misfarið var með ríkisfé af honum í Byrginu í þónokkurn tíma" - allavega finnst mér þetta ekkert svo óeðlileg staðhæfing miðað við samhengi málsins

[Stefán Friðrik Stefánsson, 20.1.2007 kl. 16:54]

Þakka ykkur öllum fyrir góð komment.

Kristján: Las þín skrif. Við erum greinilega sammála um mjög margt í þessu.

Birna: Þetta er allt mjög alvarlegt mál. Tek undir mjög margt af því sem þú segir.

GK: Ég er að tala um kynferðissamband forstöðumanns Byrgisins við skjólstæðinga sína. Það er sjúkt. Sú er meining orðanna.

Sigríður Laufey: Tek undir þín góðu skrif.

Fanney Dóra: Ég er að tala um út frá pólitískri ábyrgð. Það er ljóst að einhver verður að taka á sig hina pólitísku ábyrgð við að stjórnsýslan sé í molum og greitt sé án undirritaðs samnings ríkisfé til starfseminnar. Það er mjög alvarlegt mál og á því verður einhver að bera ábyrgð með afgerandi hætti. Þetta er í takt við fyrri skrif mín. Það er alvarlegasti þátturinn að það hafi brugðist að hafa eftirlit á þessu. Þetta má eflaust misskilja en ég hef sagt að afgerandi í þessum skrifum og fyrri frá upphafi málsins að allt sé þetta stóralvarlegt mál. Þeir sem lásu vefinn eftir Kompásþáttinn vita hvað mér fannst um þann hluta sem þú víkur að.

Anna Karen: Tek undir mjög margt af því sem þú segir. Góð skrif um málið.

[GK, 21.1.2007 kl. 02:15]

Já, ég las þetta aftur þegar ég var búinn að kommenta og sá að ég var að misskilja.

[Kristján Sig Kristjánsson (IP-tala skráð) 21.1.2007 kl. 15:31]

Sammála, þessir Tollheimtumenn eru óþolandi.