Jólafrímerki Hugrúnar frænku

Fyrir þessi jól prýðir laufabrauðshönnun Hugrúnar Ívarsdóttur, frænku minnar, jólafrímerki Íslandspósts. Það er stórskemmtilegt hvernig að Hugrún hefur notað laufabrauðshefð okkar Norðlendinga, og flestra Íslendinga reyndar í seinni tíð, í handverk og komið að stað línu skemmtilegra hluta með laufabrauðsívafi. Það að Pósturinn fái hana til að móta frímerkið segir margt um hversu vel heppnað þetta er.

Hugrún hefur varla haft undan síðustu vikur við að vinna ýmsa hluti tengda laufabrauðunum og þetta hefur sannarlega slegið í gegn. Laufabrauðshefðin er skemmtileg og hér um slóðir keppast heilu fjölskyldurnar við að koma saman og allir eru með sitt munstur og gera vissa keppni úr því að vera með fallegustu laufabrauðin. Það er alltaf gaman að skera í brauðin og víst er að jólin væru sviplausari án þessarar hefðar.

Einn helsti kostur frímerkisins er að það er sjálflímandi að þessu sinni og því þarf ekki að líma sjálfur frímerkin á eins og áður. Það er mikill lúxus með það.

Athugasemdir

[Sigurður Þórðarson, 22.12.2007 kl. 12:01]

Er laufabrauðabakstur ekki upprunalega norðlenskur siður?

[Ásdís Sigurðardóttir, 22.12.2007 kl. 12:02]

Þetta er æðislegt frímerki, greinilega listakona á ferð.  Einnig finnast mér jólahengin frá Íslandspósti flott, keypti fjögur og það er jólalaufabrauðið mitt.

                

[Stefán Friðrik Stefánsson, 22.12.2007 kl. 12:43]

Takk fyrir kommentin.

Siggi: Jú, hann er norðlenskur.

Ásdís: Já, þetta er alveg æðislegt, virkilega vel gert og skemmtilegt að nota þessa hefð sem listaform. Jólahengin eru virkilega vel heppnuð. Takk kærlega fyrir kveðjurnar fyrir jólin Ásdís mín. Óska þér og þínum gleðilegra jóla.

mbk.