Deiglan afskrifar Vilhjálm Þ. Vilhjálmsson

Það eru mikil tíðindi að Deiglan hafi snúið baki við Vilhjálmi Þ. Vilhjálmssyni sem leiðtoga Sjálfstæðisflokksins í Reykjavík. Það segir meira en mörg orð um hina veiku stöðu Vilhjálms. Sífellt fleiri taka afstöðu gegn því að hann leiði flokkinn áfram og verði að nýju borgarstjóri. Þeir sem skrifa á Deigluna hafa verið í þeim hópi sem dyggast hafa staðið við bakið á Vilhjálmi og forystu Sjálfstæðisflokksins í Reykjavík.

Kannski þurfa þetta ekki að vera tíðindi. Það er öllum ljóst að Vilhjálmur Þ. fer ekki aftur fram í kosningum, hann hefur misst allan styrk og trúverðugleika sem leiðtogi þó hann hafi enn þann titil að nafninu til. Það vill enginn lýsa yfir stuðningi við Vilhjálm Þ. Vilhjálmsson sem borgarstjóra á næsta ári með sannfærandi hætti, ekki einu sinni formaður Sjálfstæðisflokksins, nema ef við undanskiljum comeback gæjann Árna Johnsen frá Vestmannaeyjum, en það getur varla verið sterkur liðsauki eins síns liðs fyrir leiðtoga Sjálfstæðisflokksins í borgarstjórn. Í raun má segja að örlögin séu ráðin, en spurt sé um dagsetningu endaloka stjórnmálaferils Vilhjálms.

Fyrrum samstarfsmenn mínir í ungliðahreyfingunni, Borgar Þór Einarsson og Þórlindur Kjartansson, sem eru stofnendur Deiglunnar, voru greinilega vel meðvitaðir um veika stöðu Vilhjálms og voru greinilega að fara yfir valkosti þess hvernig Vilhjálmur skilji við borgarmálin svo sómi sé fyrir hann. Það má ekki gleyma því að Vilhjálmur Þ. Vilhjálmsson á að baki mjög langan feril í borgarmálunum, hann hefur unnið þar í hálfan þriðja áratug, var formaður Sambands íslenskra sveitarfélaga í hálfan annan áratug og auk þess leiðtogi borgarstjórnarflokksins í fimm ár. Það er eðlilegt að mörgum svíði hversu illa er komið fyrir þessum reynda leiðtoga.

Þeir sem næst hafa staðið Vilhjálmi, t.d. Deiglan, er greinilega farið að senda út skilaboð til Vilhjálms Þ. um að draga sig í hlé meðan að hann geti farið standandi frá velli. Það væri afskaplega sorglegt ef maður með reynslu og pólitíska farsæld Vilhjálms Þ. Vilhjálmssonar innan Sjálfstæðisflokksins gæti ekki einu sinni yfirgefið völlinn með því að sómi sé að. Ég trúi því að enn sé það hægt, þó hann hafi eyðilagt verulega fyrir sér með skelfilegum blaðamannafundi á mánudag, sem var honum og Sjálfstæðisflokknum til algjörrar skammar.

Það er eðlilegt að þeir sem næst standa Vilhjálmi Þ. Vilhjálmssyni ráði honum heilt og að fara meðan að það getur orðið með sómasamlegum hætti en ekki þeim sorglega brag sem því miður stefnir í meðan að beðið er dag frá degi eftir því að þessi endalok sem blasa við öllum eru endanlega staðfest. Þau á Deiglunni eiga heiður skilið fyrir að ráðleggja Vilhjálmi heilt á þessum leiðarlokum hans í stjórnmálum.

Athugasemdir

[Ásdís Sigurðardóttir, 13.2.2008 kl. 00:21]

Verðum við ekki bara að fara að horfast í augu við það að flokkurinn okkar er klofinn og er ekki upp á sitt besta þessar vikurnar. Við vitum örugglega bæði hverjir skrifa á deiglunni?

[Guðrún María Óskarsdóttir., 13.2.2008 kl. 00:40]

Sæll Stebbi.

Ég sé ekki betur en ungir Sjálfstæðismenn sjái ágætlega um að halda vandræðum á lofti í þessu efni og veikja þar með eigin flokk.

kv.gmaria.

[Halla Rut , 13.2.2008 kl. 00:48]

Það sem mig undrar mest er að hann einn skuli sæta gagnrýni fjölmiðla en ekki allir þeir sem skrifuðu undir þetta allt en Sigrún Elsa skrifaði undir alla pappíra fyrir hönd Dags, athugasemdarlaust. Samfylkingin samþykkti allan gjörninginn. Enda tel ég það megin ástæðu þess að þessu feluskýrsla var gerð því hvernig átti að snúa hverjum steini og draga alla til ábyrgðar þegar allir sem komu að málinu báru ábyrgð. Það eru ansi margir sem sleppa vel hér og Vilhjálmur einn tekur á sig allt saman óstuddur af sínum flokksbræðrum.

[Benjamín Baldursson (IP-tala skráð) 13.2.2008 kl. 01:10]

Hrópaði ekki lýðurinn forðum:"Krossfestum hann, krossfestum hann."

 Án þess að ég ætli að líkja Vilhjálmi Þ. við Frelsarann kom þetta upp í hugann við lestur á þínum annars oft ágætu skrifum. 

[Stefán Friðrik Stefánsson, 13.2.2008 kl. 01:20]

Ásdís: Það er vonandi að þessi mál leysist. Heill og hagur flokksins er undir í þessum efnum.

Guðrún María: Staða Vilhjálms er orðin vonlaus. Formaður flokksins lýsir ekki yfir stuðningi við hann sem borgarstjóraefni og hann hefur misst allan styrk og lykilstuðning. Þetta er sorglegt, en veruleiki mála.

Halla Rut: Ég nenni ekki að bera blak af Vilhjálmi eftir öll mistök hans og skelfilega fjölmiðlaframkomu. Það er komið gott af þessu. Tel að það sé engum til góðs, allra síst Sjálfstæðisflokknum, að hann leiði flokkinn áfram. Aðkoma Samfylkingarinnar er annað mál og vissulega má ræða það. Það sem skiptir mig þó mestu máli er trúverðugleiki Sjálfstæðisflokksins í Reykjavík, höfuðvígi flokksins. Það er mál sem þarf að vinna úr.

Benjamín: Það verður hver og einn að tala með heiðarlegum hætti. Staðan er orðin þannig að flokkurinn er að veikjast vegna veikrar stöðu Vilhjálms Þ. Vilhjálmssonar. Við það verður ekki unað, þ.e.a.s. ef við viljum setja hag flokksins ofar hag nokkurra einstaklinga.

mbk.

[Haraldur Haraldsson, 13.2.2008 kl. 01:31]

Eg verða að segja Stefán að ending þin á þessu máli og greinargerð er orðin umfangsmikil/þegar allt er tekið saman/Lofum bara Villa að gera sín mál upp ,það er farsælast úr þessu,Eg hefi seð verri krísu okkar manna en þetta/Halli gamli

[Stefán Friðrik Stefánsson, 13.2.2008 kl. 01:37]

Halli: Þetta er mál málanna núna. Það er enginn stjórnmálapenni sem ekki skrifar um þetta. Ég hef kosið Sjálfstæðisflokkinn síðan að ég fékk kosningarétt, verið í flokknum síðan að ég hafði aldur til og verið trúr honum. Með því er ekki fólgið að ég fylgi forystumönnum hans í rauðan dauðann sama hvað og sama hver staðan er orðin. Ég tjái mínar skoðanir sama á hverju gengur, er ekki skoðanalaus málpípa annars fólks.

Þetta er heiðarlegt mat mitt, þetta eru heiðarleg skrif mín og að ég tel heiðarleg framkoma í málinu. Það væri undarleg þögnin hér ef ég hefði ekki skoðanir á þessu máli. Ég gaf Vilhjálmi Þ. allan þann stuðning sem ég gat veitt með skrifum mínum hér fyrir kosningarnar 2006 og lengi áður, hann olli mér miklum vonbrigðum og hefur brugðist trausti mjög margra.

Það er enginn bættari með því að kóa þá stöðu sem upp er komin. Ég mun ekki gera það.

[Ólína Kjerúlf Þorvarðardóttir, 13.2.2008 kl. 09:55]

Ég skil afstöðu þína Stefán og virði hana.

Ég veit af eigin raun að það er ekki auðvelt að gagnrýna sína samflokksmenn. En stundum ganga menn þannig fram að ekki er annað hægt. Trúðu mér, I've been there.  En um leið tekurðu afstöðu með þinni eigin sannfæringu og þeim gildum sem eru þér einhvers virði. Þú segir hvernig þú vilt ekki að þinn flokkur vinni. Og það er virðingarvert - og mjög skiljanlegt.

[Haraldur Haraldsson, 13.2.2008 kl. 13:05]

Deiglan hefur skoðun á þessu máli eins og við,en maður sér ekki að skipti sköpun/þið þessir ungu menn takið við auðvitað,en við hinir meigum hafa skoðanir/er það ekki/Kveðja Halli gamli

[Bjarni Kjartansson, 13.2.2008 kl. 15:36]

Stebbi minn, nú bara verð ég að kenna þér nokkuð um þær reglur sem gilda um fulltrúa okkar Íhaldsmanna í Rvík.

Ég er hluti þess sótsvartasta, eins og þú og líklega allmargir af getstum þinnar ánægjulegu síðu vita fullvel.

 Sko altso,--humm,  áá,-- það var nú svo. 

1.  Ef tillaga kemur fram innan hóps borgarfulltrúa um, að oddviti segi af sér, er einfaldlega kosið um eftirmann og þeir sem eru kjörgengir í því kjöri eru ;  Allir aðalmenn, allir varamenn og ögn betur þó, því hefð er fyrir því, að í það minnsta séu 15 aðilar sem koma að þessu kjöri.

2.  AÐRIR HAFA EKKERT MEÐ ÞETTA AÐ GERA.

3.  Um breytingu á stöðu okkar núverandi oddvita, hefur ekki komið fram nein tillaga og því ekkert um að kjósa.

4.  Röð fulltrúa hefur EKKERT MEÐ KJÖRGENGI eða forganga að gera.

5.  Þar sem vitað er og í raun fyrir því afar löng reynsla (þú veist, þetta sem hópur hefur lært,--stundum af súru einu) að prófkosningar, uppröðun eða eitthvað sambland af þessu tvennu, hefur ÆTÍÐ LITAST af og tekið mið af gengi og vali á ODDVITA listans.

6.  Fyrir síðustu Borgarstjórnarkosningar var hart tekist á, milli tveggja afar hæfra KARLA um efsta sætið--ODDVITASÆTIÐ, Vilhjálmur sigraði og Gísli fékk ekki kosningu í annað sætið VEGNA FLÉTTULISTAHUGMYNDA sem minn ástkæri Flokkur hefur mengast af frá Rauð-bleikum Krötum og ofog yfirverðsettu ,,jafnréttishjali".  Ég sem Íhald og Vestfirðingur, get ekki litið svo á, að það sé jafnrétti, þegar sætisskipan á lista sé valbundin útliti kynfæra.  Heima var litið á menn og hvort þeir GÆTU hlutinn en ekki hvernig vatnsgangurinn á þeim var.

Þessvegna var ekki óalgengt, að hún mamma mín heitin hefði rassskellt pilta, jafnvel eldir henni, - og kastað þeim útaf bryggjum afa, niður í ,,Neðsta" á Ísafirði.

Þú sem áhugamaður um stjórnmál, mátt ekki láta ginna þig í forað spekúlasjóna um það, sem ekki getur orðið, þar sem HEFÐIR okkar ÚIHALDSMANNA eru algerlega klárar í þessum efnum og nánast skjalfest, við hlið Boðorðanna í Dómkirkjunni minni, hvað hægt er að gera og hvað skynsamlegtr er að gera.

Það er háttur Aristókratsins, að fara ekki á taugum, þó útburðavæl Kommatittsflokka hljómi hátt.  Það líður hjá líkt og annað væl.  Því er ég afar óhress, já ,--með böggum Hildar yfir því, að hún frænka mín, Magga Sverris, er hluti af kórnum við kórbak.  Er annars af góðum ættum og ekki hvellisjúkri.

Við erum fullkomlega rólegir hérna í Miðbænum og sendum kveðjur Friðarins Norður yfir heiðar.

Miðbæjaríhaldið