Dagur verður ekki landsliðsþjálfari

Það eru vonbrigði að Dagur Sigurðsson verði ekki eftirmaður Alfreðs Gíslasonar sem landsliðsþjálfari í handbolta. Hann var besti kosturinn í stöðunni fyrir HSÍ og hefði verið traust og gott val til að byggja landsliðið upp til næstu verkefna. Ákvörðun hans er samt skiljanleg, miðað við aðstæður, en það er greinilegt að hann vildi að þjálfarastaðan yrði veigameiri og sett langtímamarkmið.

Ég ætla að vona að næsti landsliðsþjálfari verði Íslendingur. Það er traustast í stöðunni. Það er þá spurning hvað taki við nú þegar að afsvar liggur fyrir frá Degi. Verður talað við Geir Sveinsson, Aron Kristjánsson eða Júlíus Jónasson? Allir eru þeir vel að starfinu komnir og ég held að þeir hafi allir lýst yfir áhuga í umræðunni eftir að ljóst varð endanlega að Alli ætlaði að hætta með liðið.

Myndi lítast vel á það ef einn þeirra fengi stöðuna. Einhvernveginn finnst mér það hljóma best að velja Geir. Hann á sér góða sögu í íslenska landsliðinu og var lykilmaður þar árum saman og fyrirliði í mörg ár. Litist best á hann í verkefnið.

Dagur tekur ekki við íslenska landsliðinu

Athugasemdir

[Ásdís Sigurðardóttir, 13.2.2008 kl. 18:15]

Þetta er svo erfitt og vanþakklátt starf, skil Dag vel, en það hefði verið frábært að fá hann. Efast um að Geir nenni þessu.

[Kristján Eldjárn Þorgeirsson, 13.2.2008 kl. 19:00]

Geir er sístur af þessum sem þú telur upp.  Hann var þjálfari hjá Val fyrir nokkrum árum og var með frábæran hóp í höndunum, menn eins og Valda Gríms, Júlíus Jónasson, Sjálfan sig, Snorra Stein, Markús Mána og Roland Eradze auk fleirri frábærra handboltamanna, en hann náði engum árangri með Valsliðið og þennan frábæra mannskap.  Það er ekkert nóg að hafa verið góður leikmaður í landsliðinu en vera svo "lélegur" þjálfari, þegar til á að taka.  Aron er besti kosturinn hvað íslenskan þjálfara varðar.  Var góður leikmaður og er nú að sýna að hann er góður þjálfari.  Að mínum dómi væri erlendur þjálfari það erina sem kemur til greina.

[Grétar (IP-tala skráð) 13.2.2008 kl. 19:51]

Kristján!

Geir var líka góður leikmaður, betri en Aron ef eitthvað var.  Svo veit ég ekki hvað Aron er að sýna umfram það sem Geir sýndi.  Ef þú metur það í titlum þá standa Geir og Aron jafnir, enn sem komið er og Júlíus líka ef út í það er farið.  Annars er ég feginn því að Dagur skuli ekki fara strax í þetta djobb, bara vegna þess að hann er svo flottur þar sem hann er.

[Kristján Pétursson, 13.2.2008 kl. 20:22]

Slæmt að Dagur skyldi ekki taka við landsliðinu.Þá er röðin komin að Aron og Geir.Sjálfsagt eru fleiri hæfir,þetta verður að vanda vel,því framundan eru stór verkefni. 

[GK, 13.2.2008 kl. 21:14]

Af hverju segir þú að Dagur hefði verið besti kosturinn í stöðunni (þú segir reyndar líka að Geir c besti kosturinn)?

Mér litist best á Aron...

[Stefán Friðrik Stefánsson, 13.2.2008 kl. 21:17]

Ásdís: Þetta verður að ráðast. Líst best á Geir núna.

Kristján: Verðum þá að vera ósammála. Allt eru þetta þó góðir menn og vel hæfir til verkefnisins. Efast ekki um að HSÍ landar þessu máli með það að markmiði að styrkja liðið.

Kristján: Sammála.

GK: Besti kosturinn núna. Sagði að Dagur hefði verið besti kosturinn í stöðunni, en hann er ekki lengur kostur þegar að hann hefur dregið sig út auðvitað.

[Eysteinn Þór (IP-tala skráð) 14.2.2008 kl. 07:29]

Já Dagur hefði verið fínn í starfið held ég. Kominn með töluverða reynslu - leikmaður erlendis og þjálfari ( var hjá félaga viggó í Wuppertal - örugglega góður skóli ). En afhverju einn þjálfari, er ekki möguleiki á teymi t.d. Geir og Júlíus? Bara spyr!

[GK, 14.2.2008 kl. 13:03]

Já, ég skildi hvað þú varst að meina, en af hverju segirðu samt að Dagur hefði verið besti kosturinn í stöðunni?

[Óðinn Þórisson, 14.2.2008 kl. 17:57]

dagur var besti kosturinn í stöðunni - nú verður að leita að öðrum - ég held að það væri lang skynsamlegast að ráða geir sveinsson - óskar bjarni ef geir getur ekki tekið starfið að sér - svo væri spurning að spila alla landsleiki í vodafonehöllinni að hlíðarenda