Stórsigur Eurobandsins - ekki skipt um söngvara

Þær eru furðulegar þessar kjaftasögur vissra aðila um að skipta eigi um söngvara í sigurlaginu í Eurovision, This Is My Life. Eitthvað segir mér að þær komi ekki upp sem tilviljun. Það hefur nú verið sagt afgerandi að Friðrik og Regína muni syngja lagið úti svo að það þarf ekki að velta því meira fyrir sér.

Enda er nákvæmlega engin þörf á að skipta um söngvara í laginu. Þjóðin valdi þau enda með afgerandi hætti til að fara út og greinilegt að það er verið að koma á flot kjaftasögum til að reyna að rýra sigur þeirra eða skemma fyrir þeim með einhverjum hætti. Það virðist þó ekki hafa tekist, enda hefur höfundur lagsins nú talað afgerandi um þetta.

Sigur Eurobandsins í keppninni var traustur og afgerandi. This Is My Life hlaut meira en helmingi fleiri atkvæði en næsta lag á eftir, Ho Ho Ho, We Say Hey Hey. Það deilir því vonandi enginn um úrslitin. Þjóðin valdi þetta lag og ekkert meira um það að segja.

Athugasemdir

[Jónína Benediktsdóttir, 25.2.2008 kl. 14:11]

Stefán minn, máttur PR fólks er með ólíkindum. Heill her manna ákveður að eyðileggja mannorð þitt og oft tekst þeim það. Ég þekki Regínu vel, hún vann hjá mér í nokkur ár. Þvílíkur dugnaðarforkur og heil í hjarta og í sál er hún þessi verðugi sigurvegari. Þetta er óþolandi að fólk komist upp með svona rætin skrif. Mér er sagt að PR menn séu með allt sem þeir finna neikvætt um mig inn á google. Ég veit það ekki því ég held sálarró með því að fara aldrei inn á svona ógeð. Þú hefur jú líka orðið fyrir aulahætti nafnlausra sem þola ekki vinsældir þínar og skoðanir. Svona er þetta bara. Sumum er ekki viðbjargandi.

[Ólafur Þór Gunnarsson, 25.2.2008 kl. 14:35]

Alvaran er sátt við val landans á lagi.

[hans (IP-tala skráð) 25.2.2008 kl. 14:43]

er það afgerandi?

[Ásdís Sigurðardóttir, 25.2.2008 kl. 15:26]

Ég held að þetta sé bara hið besta mál með lagið og vil ekki sjá neina breytingu fyrir keppnina sjálfa.  Gangi þeim bara allt í haginn.

[Tiger, 25.2.2008 kl. 15:45]

Já, ótrúlegt hvað þjóðarsálin getur stundum verið mikil tík - eða nokkrir úr þjóðarsálinni. Það eru alltaf einhverjir, einhvers staðar sem finna fyrir þörf á því að finna að öllu og tala illa um allt og alla. Gróa á Leiti er alltaf nálæg þegar frægar/opinberar persónur eru annars vegar - því er ver. Skelfilegt fyrir suma sem lenda í svona rógi því það getur verið skrattanum erfiðara að hreinsa mannorð og leiðrétta sagða lygi. Rógburður og nýð lýsa innri manni þess sem slíkt ber á borð mun betur en nokkru öðru, það er engum til framdráttar að koma af stað illum sögum.

[Stefán Friðrik Stefánsson, 26.2.2008 kl. 00:29]

Takk kærlega fyrir kommentin.

Jónína: Já, öfundin leynist víða. Sést vel þarna. En þau láta þetta ekkert á sig fá. Verða flott úti í Belgrad í maí.

Tigercopper: Algjörlega sammála.

mbk.

[Anna Guðný , 26.2.2008 kl. 23:20]

Ég held að það sé bara ein ástæða fyrir þessum ótrúlegu viðbrögðum hjá fylgjendum ho ho lagsins og það er sært stolt. Vöðvamolarnir trúðu því virkilega að þeir myndu vinna. Og ég held að þeir að allir þessir 50. þús hafi bara verið heilaþvegnir eða plataðir til að kjósa Eurobandið. Vonandi kemur þetta fólk niður á jörðina áður en þau skemma meira. Því allt þetta rætna umtal sem hefur verið skemmir vissulega.

En gangi þeim vel í Belgrad, ég ætlast ekkert til að þau vinni frekar en að ég hafi ætlast til að aðrir sem hafa verið sendir í keppnina vinni. Væri samt rosa gaman ef þau kæmust áfram.